Edhe rivalët e konsiderojnë ‘kënaqësi’ të luajnë me të, Suazo: Është ndjenjë krenarie të luash ndaj Messit

Lionel Messi është i popullarizuar në lojën e bukur, saqë edhe kundërshtarët e konsiderojnë një kënaqësi përballjen ndaj tij.

Triumfi në Kampionatin Botëror e kompletoi sirtarin e stërmbushur të superyllit argjentinas, i cili do të hyjë në histori si njëri nga më të mirët që ka shkelur në fushën e futbollit.

Në ndeshjen e fundjavës në Ligue 1, ndërmjet Paris Saint-Germainit dhe Toulouse, 35-vjeçari realizoi një gol të bukur nga jashtë zonës.

https://youtu.be/fI1mgL3U8ho

Kjo ka bërë që përkundër humbjes, lojtari në ekipin kundërshtar, Gabriel Suazo, ta konsiderojë si një kënaqësi përballjen me kampionin e botës.

Lexo po ashtu Messi shënon supergol nga distanca ndaj Toulouse

“Është e qartë se në fushë gjithmonë duam të jemi më të rëndësishëm, më të mirë dhe që skuadra jonë të fitojë, por kur e ke Leon përballë është gjithmonë kënaqësi dhe një ndjenjë krenarie që e ke shansin të luash kundër tij”.

“Ai është lojtari më i mirë në botë për një arsye dhe i ka ato karakteristika. Fatkeqësisht, për shkak të një goli nga ai, nuk mundëm ta merrnim barazimin”, ka deklaruar Suazo për ESPN. /Telegrafi/