Federata Serbe e Futbollit e ka rikthyer flamurin shqiptar në stadiumin “Dubocica” ku do të luhet takimi mes Serbisë dhe Shqipërisë.
Kombëtarja e Shqipërisë do të luajë sot (e shtunë) në udhëtim te Serbia në kuadër të ndeshjeve kualifikuese për Kupën e Botës 2026.
Kuqezinjtë janë mysafir të serbëve në ndeshjen e gjashtë të Grupit K, e cila pritet të zhvillohet në stadiumin Dubocica në Leskovc, me fillim nga ora 20:45.
Një ditë më parë, gjatë stërvitjes së Kombëtares Shqiptare në këtë stadium, flamuri kuqezi nuk ishte vendosur, duke bërë bujë ky vendim i tyre.
Tani është vendosur flamuri shqiptar
Sipas tyre, ky vendim erdhi duke thënë se nuk vendosën flamurin në mënyrë që të shmangnin ndonjë incident të pakëndshëm dhe që do ta vendosnin ditën e ndeshjes.
Megjithatë, sot (e shtunë), Federata Serbe është detyruar ta vendos flamurin shqiptar përkrah flamurit të tyre dhe flamujve tjerë të UEFA-s dhe FIFA-s. /Telegrafi/
