E dashura e Ronaldos, Georgina Rodriguez falënderon stilisten shqiptare Lia Stublla për urimin për ditëlindje

Kreatorja e mirënjohur kosovare, Lia Stublla numëron tashmë një listë të madhe bashkëpunimesh me emra të njohur ndërkombëtar.

Si rrjedhojë, reputacioni i saj në tregun e jashtëm është rritur shumë, ndaj nuk janë të paktë emrat ose brendet ndërkombëtare që kanë spikatur emrin e saj.

Lia së fundmi publikoi në InstaStory një urim për modelen bukuroshe, Georgina Rodriguez, e njohur ndryshe si partnerja e futbollistit me famë botërore Cristiano Ronaldo, e cila të hënën festoi ditëlindjen e saj të 26-të.

“Urime ditëlindjen e bukura Georgina Rodriguez, të dëshirojmë gjithë më të mirat, LS të do ty”, ka qenë urimi publik ndaj modeles i bërë në emër të markës së kreatores shqiptare.

Lexo po ashtu Mediat italiane shkruajnë se Georgina Rodriguez refuzon të paguhet për në "Sanremo" sa prezantueset tjera, kërkon mbi 100 mijë euro

Dhe Georgina me të parë këtë urim të veçantë është ndjerë falënderuese dhe në shenjë mirënjohje e ka rishpërndarë këtë postim për afro 16 milionë ndjekësigt e saj, që e ndjekin atë në rrjetin social Instagram.

Georgina njihet ndryshe si njëra ndër modelet më atraktive dhe të ndjekura në mbarë botën, kjo falë të qenurit partnerja dhe nëna e tre fëmijëve të futbollistit më të ndjekur në botë, Cristiano Ronaldos.

Ajo është aluduar se do të jetë njëra ndër prezantueset e festivalit “Sanremo” këtë vit, ndonëse pjesëmarrja e saj ende nuk është konfirmuar për shkak të pagesës. /Telegrafi/