Paulo Dybala pritet të vazhdojë qëndrimin në Juventus edhe për disa vite të tjera.
Sulmuesi argjentinas është pjesë e kampionëve në fuqi të Italisë që pesë vite, derisa ka kontratë deri në verën e vitit 2022.
Megjithatë ai është njëri nga simbolet e Juves dhe klubi dëshiron që ta vazhdoj bashkëpunimin së paku deri në vitin 2025.
Zonja e Vjetër i ka bërë një ofertë të re për vazhdimin e kontratës edhe për pesë vite të tjera.
Juventus ka menduar ta shpërblejë Dybalan për besnikëri duke i ofruar kontratë të re pesë vjeçare me pagë dukshëm më të madhe.
Aktualisht argjentinasit është lojtari i tretë më i paguar te Juventusi me 7,3 milionë euro në vit.
Por me kontratën e re e cila pritet të nënshkruhet, Dybala do të bëhet futbollisti i dytë më i paguar te Zonja e Vjetër.
Juve i ka ofruar kontratë pesë vjeçare me pagë prej 11,5 milionë eurove në vit, ofertë që është pranuar nga Dybala.
Sipas medieve italiane zyrtarizimi i kësaj marrëveshje duket vetëm çështje kohe. /Telegrafi/
