Ministria e Mbrojtjes bëri të ditur se dy pjesëtarë të ARM-së kanë rezultuar pozitiv me coronavirus dhe të dy kanë udhëtuar jashtë vendit.

“Të dy pjesëtarët e Armatës, një nënoficer dhe një ushtar kanë punuar në garnizonin e Shkupit. Njëri prej të infektuarve ka punuar në restorantin ushtarak në kazermën e Ilinden si ndihmës”, njoftojnë nga Ministria e Mbrojtjes.

Nga kjo ministri thonë se janë ndërmarrë të gjitha masat pasi janë vërtetuar rastet në fjalë.

“Restoranti ushtarak është dezinfektuar plotësisht dhe janë marrë të gjitha masat e nevojshme për mbrojtje sipas protokolleve epidemiologjike. Restoranti do të mbyllej për 24 orët e ardhshme. Të gjithë që supozohen që kanë pasur kontakt me personat e infektuar tashmë janë në vetizolim”, shprehen nga Ministria e Mbrojtjes.

Të dy pjesëtarët e ushtrisë të cilët kanë rezultuar pozitiv ditëve të fundit kanë qenë në vetizolim pasi anëtarët e familjeve të tyre kanë dyshuar në simptomat e Covid 19./Telegrafi/