Dua Lipa thotë se vuan nga ‘sindroma e mashtrimit’

Këngëtarja shqiptare me famë ndërkombëtare, Dua Lipa, ka dhënë së fundmi një intervistë për The Sun.

Krijuesja e hitit “Levitating” gjatë rrëfimit ka pranuar se vuan nga sindroma ‘Imposter’ apo sindroma e mashtrimit, e cila ka të bëjë me mungesën e vetëbesimit.

27-vjeçarja tutje shtoi se gjen frymëzim tek artistët apo yjet e famshëm që vuajnë ngë vetëdyshimi.

“Shumë herë frymëzohem nga artistët që kanë vetëdyshim dhe e kanë njëfarë errësire brenda vetes. Dhe më pas çuditem me veten, pse më duhet të ndiej kaq shumë dhimbje për të qenë e zonja në punën që e bëj. Nganjëherë sindroma e mashtrimit ndikon keq në mua. Veçanërisht kur jam duke shkruar këngë”, tha ajo.

Lexo po ashtu Dua Lipa në një intervistë për “The Sun”: Është koha të çlirohemi nga shtypja e meshkujve

Ylli i muzikës pop theksoi se frikësohet që aktrimi i saj nuk do të jetë në nivelin e duhur, sidomos kur është nën presion për t’i portretizuar gjendjet emocionale para kamerës.

Sa i përket paraqitjes në filmin “Argylle”, Lipa vazhdoi duke thënë: “Ishte shumë emocionuese. Por, për mua këta janë hapat e parë në aktrim. Kjo është mënyra më e mirë për ta zbuluar veten.
Frika ime më e madhe do të ishte ta merrja një rol të madh dhe ta kuptoja se tani e tutje më duhet të jem aktore e vërtetë dhe t’i ndiej të gjitha këto emocione të ndryshme në kamerë”.

View this post on Instagram

A post shared by DUA LIPA (@dualipa)

“Derisa jeni duke krijuar diçka, ju këshilloj që të argëtoheni gjatë këtij procesi. Frika vjen atëherë kur është koha e publikimit t të atij projekti, sepse nuk je e sigurt nëse njerëzit do ta pëlqejnë punën që e ke bërë. Kështu ndihem unë për muzikën. Derisa jam duke shkruar këngë ndihem shumë mirë dhe jam në botën time, duke krijuar diçka që më bënë shumë krenare. Ti dëshironi të bësh diçka që nuk e ke bërë më parë dhe dëshiron ta sfidosh veten dhe të eksplorosh gjëra të ndryshme përmes punës. Mund t’i mbylli mediat sociale dhe të fokusohem te vetja. Në atë moment, unë po bëj diçka që e dua”, përfundoi këngëtarja.

Dua javën e kaluar mbylli turneun e “Future Nostalgia” me një performancë në Shqipëri, për ndër të 110 vjetorit të Pavarësisë së Shqipërisë. /Telegrafi/

View this post on Instagram

A post shared by DUA LIPA (@dualipa)