Dua Lipa publikon një version të ri të “Physical” në bashkëpunim me Troye Sivan

Dua Lipa ka surprizuar fansat duke publikuar një version të ri të hitit të saj “Physical” në bashkëpunim me Troye Sivan, në kuadër të 5-vjetorit të albumit të saj të suksesshëm Future Nostalgia.

Ky remix i veçantë sjell një energji të re në këngën ikonike, duke kombinuar vokalet e fuqishme të Duas me stilin unik të Troye Sivan.

Albumi “Future Nostalgia”, i publikuar në vitin 2020, pati një ndikim të madh në industrinë muzikore, duke sjellë hite si “Don’t Start Now”, “Levitating” dhe “Break My Heart”, dhe duke e konsoliduar Duan si një nga yjet më të mëdha të muzikës pop.

Lipa ndau lajmin emocionues në rrjetet sociale, duke falënderuar fansat për mbështetjen dhe duke e quajtur këtë bashkëpunim një mënyrë të veçantë për të festuar këtë moment të rëndësishëm në karrierën e saj.

Ndërkohë, Troye Sivan, i cili është një admirues i hapur i muzikës së Duas, tha se ishte një nder të ribënte këtë këngë me të.

Versioni i ri i “Physical” është tashmë i disponueshëm në të gjitha platformat muzikore dhe është pritur me entuziazëm nga fansat e të dy artistëve. /Telegrafi/