Dua Lipa duket elegante e veshur në të zeza teksa shijon një natë me miqtë në Londër

Artistja e famshme, Dua Lipa ka shijuar një mbrëmje në Chiltern Firehouse të Londrës me miqtë të shtunën mbrëma (7 janar).

Ylli i popit, 27 vjeç, kishte veshur një xhaketë të gjatë të zezë me gëzof ndërsa po largohej nga vendi luksoz.

Ajo e kombinoi ‘look’-un me pantallona të errëta dhe u pa e buzëqeshur teksa hipi në një makinë me miqtë.

Këngëtarja la flokët e saj të zeza në një bisht të lartë elegant, duke i mbajtur gjërat e nevojshme në një çantë të kuqe.

Ajo e plotësoi pamjen e saj me një buzëkuq klasik të kuq dhe grim të lehtë. Këngëtarja përshtati dukjen edhe me një palë taka të zeza për mbrëmjen në Londër.

Kjo vjen pasi Dua shtoi një tjetër 4 milionë funte në pasurinë e saj këtë vit, pasi hoqi dorë nga ish-ekipi i saj drejtuese në fillim të vitit 2022.

Pasi kishte hequr dorë nga shërbimet e kompanisë së saj të menaxhimit në fillim të këtij viti, kantautorja duket se nuk kishte arsye për keqardhje.

Llogaritë sapo kanë regjistruar se Dua i ka shtuar pasurisë së saj edhe 4 milionë funte.

Kompania e saj Dua Lipa Limited tani ka 21.6 milionë funte të grumbulluara – nga 17.5 milionë funte një vit më parë.

Duke pasur parasysh se një kompani tjetër e saj ka asete prej 11.6 milionë funtesh, kjo sugjeron se menaxheri i saj i ri – babai Dukagin Lipa – po performon në mënyrë të kënaqshme.

Në shkurt, u zbulua se Dua u nda nga kompania e menaxhimit që e ndihmoi atë ta kthente në një sensacion global pas një mosmarrëveshjeje për të ardhurat.

Këngëtarja, e cila nënshkroi për Tap Management me bazë në Londër në vitin 2013 ndërsa punonte si kamariere në bar koktej, i habiti shefat e saj kur tha se nuk donte më që ata ta përfaqësonin atë. /Telegrafi/