Drejtuesit e Man Cityt tallen me Man Utd pasi marrëveshja e Haalandit kushtoi më pak se ajo e Fredit

Drejtuesit e Manchester Cityt kanë bërë shaka me shpenzimet e Manchester Unitedit, duke bërë krahasime me marrëveshjen e tyre për sulmuesin e Borussia Dortmundit, Erling Haaland.

City pritej të shpenzonte 63 milionë funte apo 75 milionë euro për të shkaktuar klauzolën e lirimit të Haaland, por ka siguruar shërbimet e sulmuesit për 12 milionë funte apo 15 milionë euro më pak.

Sipas mediumit ESPN, City tani beson se ka bërë një pazar të madh duke nënshkruar me një lojtar që mund të vlejë mbi 200 milionë euro.

Lexo po ashtu Shifrat që qëndrojnë prapa transferimit të Erling Haaland te Manchester City

Stafi i klubit madje ka bërë shaka në kurriz të rivalëve të tyre lokalë, Manchester Unitedit, lidhur me marrëveshjen.

Man City staff 'have joked how they paid less for £51m Erling Haaland than Man United did for £52m Fred' https://t.co/91ly0dlYiH

— Mail Sport (@MailSport) May 12, 2022

Thuhet se ata janë tallur duke krahasuar 51 milionë funtet që kanë paguar për të sjellë Haalandin në Etihad dhe të cilat janë më pak se tarifa prej 52 milionë funtesh që Unitedi shpenzoi për të nënshkruar me mesfushorin Fred nga Shakhtar Donetsk në vitin 2018.

Fred ishte rrugës për në City përpara ndërhyrjes së United katër vjet më parë, por ka rezultuar një transferim i dështuar tashmë. /Telegrafi/

🚨 Manchester City believe Erling Haaland is worth around €200M on the open market.

There have been jokes inside the club that the €60M fee they paid is less than what Man Utd paid for Fred.

(Source: @RobDawsonESPN) pic.twitter.com/VRqe0lhDqV

— Transfer News Live (@DeadlineDayLive) May 11, 2022