Dorëheqja e kryeministrit dhe ndryshimet kushtetuese – pse bota duhet ta marrë seriozisht mesazhin e Putinit

Kur e gjithë qeveria e Rusisë dha dorëheqjen të mërkurën, shumë njerëz në Kremlin u kapën në befasi.

Më herët gjatë ditës, Vladimir Putin kishte njoftuar planin e tij për të përshkuar reformat që do ta bëjnë pasardhësin e tij si president më pak të fuqishëm, duke rishpërndarë pushtetin në atë mënyrë që parlamenti dhe zyra e kryeministrit rus të kenë ndikim më të madh.

Ai falënderoi anëtarët në dorëheqje të qeverisë për shërbimin e tyre.

Në dy vitet e fundit, vlerësimet ndaj Putinit morën një rënie, pjesërisht si rezultat i reformave të pensioneve jopopullore dhe një ekonomie në rënie. Viti 2019 gjithashtu u shënua me protesta të shumta, disa madje kundër presidentit Putin, transmeton Telegrafi.

Sidoqoftë, ndërsa detajet e sakta të kësaj dorëheqje masive – të udhëhequr nga kryeministri aktual dhe ish-presidenti Dmitry Medvedev – ishin të paqarta, ishte e qartë se kjo nuk ishte protestë ndaj reformave të propozuara të Putinit.

Në deklaratën e tij për dorëheqjen e qeverisë, Medvedev tregoi se po vepronte në mënyrë që “t’ia lehtësonte jetën Putinin”.

Ai tha se presidenti “kishte përshkruar një numër ndryshimesh themelore në kushtetutë”, dhe se “në këtë kontekst, është e qartë se ne, si qeveri … duhet t’i ofrojmë presidentit të vendit tonë mundësinë për të bërë të gjitha vendimet e nevojshme për këtë”.

Këto ndryshime duket se janë një rishpërndarje të pushtetit, duke i dhënë parlamentit fuqinë për të emëruar kryeministër, i cili më pas do të caktojë një kabinet për t’u miratuar nga parlamenti.

Sipas fjalëve të Putinit: “Në këtë rast, presidenti do të jetë i detyruar t’i emërojë ata; domethënë, ai nuk do të ketë të drejtë të refuzojë kandidaturat e miratuara nga parlamenti”.

Kushtetuta ruse e ndalon Putinin të bëhet prapë president në vitin 2024. Sidoqoftë, nuk ka asgjë që e ndalon atë të bëhet kryeministër, siç bëri në vitin 2008, kur ai dhe Medvedev ndërruan rolet për katër vjet.

“Pikëpamja ime personale është se kjo është një bashkim midis Putinit dhe Medvedev”, tha Valeriy Akimenko, një analist afatgjatë i Rusisë që aktualisht punon për Qendrën e Studimit të Konflikteve.

Jo të gjithë analistët besojnë se është e pashmangshme që Putini përfundimisht do ta bëjë veten  kryeministër.

Oleg Ignatov në Qendrën për Politikën e Tanishme, një institucion me qendër në Moskë, thekson se Putini gjithashtu foli për ndryshimin e rolit kushtetues të Këshillit Shtetëror të Rusisë, një organ këshillimor për kreun e shtetit.

“Ka zëra se Putin mund të udhëheqë Këshillin e ri Shtetëror në vend që të bëhet Kryeministri i ri”, i tha Ignatov CNN-it. “Nëse kjo ndodh, është e mundur që fjala e tij të jetë fjala e fundit. Ai nuk do të interesohet për detaje teknike, por gjithçka do të jetë nën kontrollin e tij”.

Akimenko u pajtua që ky lloj roli mund të luante në favor të Putinit: “Roli i ardhshëm i Këshillit të Shtetit aktualisht është i papërcaktuar, por ai mund të jetë një arbitër, do të thotë se kur ka një mosmarrëveshje, Këshilli i Shtetit mund të ketë fjalinë përfundimtare”.

“Sidoqoftë, unë mendoj se Putini ka më shumë gjasa të bëhet Kryeministër”.

Sido që të jetë rezultati, një narrativë e Putinit që konsolidon kontrollin e tij të pushtetit tashmë po shfaqet.

Alexi Navalny, lideri më i zjarrtë i opozitës në Rusi, në Twitter ka thënë se “të mbetet udhëheqësi i përjetshëm, të marrë pronësinë e një vendi të tërë, dhe të përvetësojë pasuri për vete dhe miqtë e tij është qëllimi i vetëm i Putinit dhe regjimit të tij”.

Duke ndërmarrë hapa për të forcuar kontrollin e tij në pushtet, Putini po dërgon gjithashtu një mesazh në botën më të gjerë.

“Më shumë Putin” në Rusi do të thotë “më shumë Putin” në skenën ndërkombëtare.

Dhe nëse vitet e fundit nuk na kanë mësuar ndonjë gjë, kjo do të thotë se kjo Rusi është e gatshme t’i japë më shumë pushtet Putinit për të vepruar si një rival i drejtpërdrejtë për ndikim në rendin botëror të udhëhequr nga SHBA – dhe të krijojë më shumë dhimbje koke për Amerikën dhe aleatët e saj. /Telegrafi/