Don Xhoni paralajmëron një projekt befasi me Ramiz Lladrovcin

Reperi shqiptar, Don Xhon, u ka premtuar fansave të tij se do të jetë mjaft aktiv gjatë kësaj vere me projekte muzikore të shumta.

Ndër to, ai ka paralajmëruar një befasi të veçantë për fansat, e cila inkorporon edhe kryetarin e Komunës së Drenasit, Ramiz Lladrovcin.

Këtë e ka bërë të ditur përmes një fotografie të publikuar në InstaStory, ku është shfaqur nën shoqërinë e kryetarit të komunës në të cilën ai u lind e u rrit.

“Një super surprizë, n’Drenicë, së shpejti me kryetarin dhe mikun tim Ramiz Lladrovci”, shkroi Don Xhon në mbishkrimin e fotografisë.

Ai nuk ka zbuluar nëse bëhet fjalë për ndonjë këngë të re me klip apo koncert konform rregullave pandemike – duke dashur që kështu që këtë pjesë ta lërë tërësisht befasi për fansat.

Reperi drenicas përndryshe po vazhdon të shijojë suksesin e projektit të tij muzikor më të fundit “Unë foli i fundit”, i cili u publikua pak ditë më parë.

Që nga debutimi i tij i famshëm vitin e kaluar, Don Xhon ka vazhduar pa ndalur në sjelljen e projekteve të reja, duke mbetur ndër reperët më të pëlqyer të momentit në estradë. /Telegrafi/