Disa njerëz janë vrarë dhe të tjerë janë plagosur në Norvegji pasi një burrë përdori një hark dhe shigjetë për t'i sulmuar ata.
Sipas mediave të huaja, përcjell Telegrafi, i dyshuari u kap pas sulmit të mërkurën vonë në qytetin Kongsberg, 80km në jug-perëndim të kryeqytetit, Oslo, tha një zëdhënës i policisë.
"Burri është kapur ... nga informacioni që kemi tani, ky person i ka kryer këto veprime i vetëm", u tha gazetarëve shefi i policisë, Øyvind Aas. "Disa njerëz janë plagosur dhe disa kanë vdekur".
Ai nuk pranoi të komentojë numrin e viktimave, por tha se kishte "disa skena krimi".
Mediat lokale raportuan një operacion të madh të reagimit emergjent në qytet, duke përfshirë policinë e armatosur, dy helikopterë dhe më shumë se dhjetë ambulanca.
Several died and were injured after an suspected terror attack in #Norway. A police operation incl bomb squad is underway in #Kongsberg center in connection with a person who has been observed with a bow and arrow. The alleged perpetrator has been taken into custody https://t.co/r8tT8CJGSH pic.twitter.com/KGSWusCjGJ
— ??????? ???????? ☀️ (@MArizanti) October 13, 2021
Ministrja norvegjeze e drejtësisë dhe sigurisë publike, Monica Maeland, ka marrë përditësime mbi sulmet dhe po monitoronte nga afër situatën, tha ministria. /Telegrafi/
