Disa të lënduar pasi shoferi i kamionit që po lëvizte në mënyrë të pasigurt shkaktoi dy aksidente në autostradat e Gjermanisë

Një shofer me një kamion ka shkaktuar dy aksidente në disa pjesë të autostradave të ngarkuar anë North Rhine-Whestphalia të Gjermanisë.

Sipas autoriteteve të Dyseldorfit, shkruajnë mediat e huaja, përcjell Telegrafi, kanë mbetur disa të lënduar dhe disa makina të dëmtuara.

Por numri i të lënduarve mund të ndryshojë më tej, ka thënë një zëdhënëse e autoriteteve.

Siç bëhet e ditur më tej, shoferi i kamionit ka shkaktuar aksidente të shumta gjatë vozitjes në A46 dhe A1.

Pas serisë së aksidenteve, ka indikacionet e para se shoferi polak i kamionit mund të ketë konsumuar alkool ose drogë.

Këtë e ka bërë të ditur policia pa dhënë detaje të tjera.

Sipas informacioneve të para, 30-vjeçari u dërgua fillimisht në spital pas arrestimit.

Pasi të kenë përfunduar ekzaminimet mjekësore, ai duhet të intervistohet nëse është e mundur.

Ndërkohë është thënë se rreth orës 16:25, policia u raportua se kishte parë një kamion me targa polake që po lëvizte dukshëm në mënyrë të pasigurt në A46 në zonën e Neuss .

Sipas informacioneve, policia e autostradës ka mundur të lokalizojë mjetin.

Megjithatë, shoferi injoroi shenjat e ndalimit dhe vazhdoi të lëvizte me një shpejtësi të rritur ndjeshëm dhe në “mënyrë gjarpërore” në A46 në zonën e Wuppertal dhe më pas në A1. /Telegrafi/