Dieta më e rrezikshme, sipas mendimit të mjekëve: Nëse ju ofrohet kjo dietë, refuzojeni!

Do t’jua rrezikojë shëndetin

E ka shpikur Cole Robinson, i cili ka pranuar që nuk është profesionist shëndetësor, transmeton Telegrafi.

Nëse mendoni që e dini çdo dietë, patjetër do t’ju zhgënjejmë dhe zbulojmë që tani është shpikur dieta e re.

Dieta e gjarprit ka lindur nga agjërimi popullor i përkohshëm, ndërkaq ekspertët shëndetësorë e konsiderojnë jashtëzakonisht të rrezikshme.

Çfarë është dieta e gjarprit?

Dieta e gjarprit reklamohet si stil jetese, mirëpo sipas mendimit të nutricionistëve, nuk është e qëndrueshme.

E ka shpikur Cole Robinson, i cili ka pranuar që nuk është profesionist shëndetësor, por e përshkruan si “ngrënie proaktive”.

Si e ka shpjeguar Robinsoni, duhet të hani qëllimisht si gjarpri, në kuadër kohor prej vetëm një deri në dy orë në ditë.

Ti ha një vakt shumë të bollshëm dhe ai të mban me energji për një kohë të gjatë.

Sipas tij, kjo lloj diete mund të kurojë gjithashtu diabetin e tipit 2, herpesin, infeksione të ndryshme dhe në të njëjtën kohë të bën produktiv. Mjafton të hash njëherë gjatë shumë orëve.

Vakti thjesht duhet të jetë i bollshëm, por ka raste që mund të të duhet të jetosh vetëm me lëngje apo uthull molle për orë e orë të tëra.

Rreziqet shëndetësore të dietës së gjarprit

Qëllimi i qartë i kësaj diete është dobësimi nëpërmjet urisë, mirëpo metoda e tillë mund të ketë pasoja në shëndetin trupor dhe emocional, ndërkaq problematike është edhe si të shmanget efekti jo-jo.

Krijuesi i kësaj diete thotë që me ngrënien e sasive të mëdha të ushqimit në raport me atë sa mund të digjni çon në depozitim të tepricës dhe rrjedhimisht të shtimit të peshës trupore.

Kjo është e saktë, mirëpo për t’u dobësuar, nuk është e domosdoshme të mos hani ushqim dhe kështu të pengoni marrjen e kalorive.

Në këtë mënyrë trupin e privoni nga materiet vitale ushqyese.

Dietologët thonë se nuk do t’ia rekomandonin askujt dhe se nuk ka asnjë provë që tregon se kjo vlen.

Përveç kësaj, është pothuajse e pamundur fizikisht për këdo ta bëjë këtë për një kohë të gjatë.
Një njeri mund të rrijë disa orë pa ngrënë dhe gjithçka kjo dietë mund të bëjë është të të shtojë urinë. /Telegrafi/