Diana dhe Arioni në qendër të vëmendjes pas spektaklit të mbrëmshëm, puthen teksa diskutojnë

Pas përfundimit të spektaklit të mbrëmshëm, atmosfera në shtëpinë e “Big Brother” ishte e ngarkuar me emocione dhe diskutime mes banorëve.

Megjithatë, ajo që tërhoqi më shumë vëmendje ishte dinamika e re mes Dianës dhe Arionit, të cilët u shfaqën jashtëzakonisht të afërt me njëri-tjetrin.

Në një moment të veçantë dhe të papritur, Diana i drejtoi Arionit një kompliment plot dashuri: “Ta hënksha synin që e ke kaq të mirë”, duke krijuar një atmosferë të ëmbël dhe intime.

Ndërkohë, Arioni iu përgjigj me një puthje në buzë.

Kjo skenë e ngrohtë dhe spontane tregoi një afërsi të re mes tyre, që mund të jetë fillimi i një marrëdhënieje më të thellë.

Lexo po ashtu "E urrejmë atë" - bëhet virale momenti kur aludohet se motra i jep Dianës mesazhin për Arionin

Ndërkohë, Diana u vu në një situatë të vështirë gjatë spektaklit kur motra e saj i komunikoi një lajm shqetësues: babai i tyre është i sëmurë.

Pavarësisht kësaj, ajo vendosi të mos largohet nga shtëpia, duke zgjedhur të qëndrojë brenda dhe të vazhdojë lojën.

Ky vendim ka shkaktuar reagime të forta në rrjetet sociale. Shumë spekuluan se mesazhi i motrës mund të kishte një nënkuptim të fshehtë, që lidhej me marrëdhënien e saj me Arionin.

Disa përdorues të rrjeteve sociale sugjeruan se motra mund të ketë dashur të paralajmërojë Dianën për të ruajtur distancën ose për të menduar më qartë në lidhje me situatën e saj. /Telegrafi/