Diamanti rozë i Angolës besohet të jetë më i madhi i gjetur në 300 vjet

Ky diamant i rrallë rozë, me peshë 34 gram, mendohet të jetë më i madhi i zbuluar në 300 vjetët e fundit. Guri 170 karatësh ka marrë emrin “Trëndafili Lulo”, sipas minierës në Angola ku u gjet.

Besohet të jetë diamanti më i madh rozë i nxjerrë që nga Daria-i-Noor 185 karatësh, i cili u pre nga një gur më i madh dhe tani është ndër bizhuteritë e kurorës iraniane.

Trëndafili Lulo është një diamant i tipit 2a, që do të thotë se ka pak ose aspak papastërti, raporton bbc.

“Ky rekord dhe diamant rozë spektakolar i gjetur nga Lulo vazhdon të shfaqë Angolën si një lojtar të rëndësishëm në skenën botërore”, deklaroi Diamantino Azevedo, ministri i burimeve minerale të Angolës.

Angola pink diamond believed to be largest found in 300 years https://t.co/f1rx7mYeZb

— BBC News (World) (@BBCWorld) July 27, 2022

Është diamanti i pestë më i madh i gjetur nga miniera Lulo – një sipërmarrje e përbashkët midis kompanisë australiane Lucapa Diamond dhe qeverisë së Angolës.

Diamante të ngjashme janë blerë për dhjetëra miliona dollarë në të kaluarën, me një – të njohur si Ylli Pink – i shitur në një ankand në Hong Kong për 70.2 milionë euro në vitin 2017.

Diamanti më i madh rozë i njohur është Daria-i-Noor, i zbuluar në Indi, i cili ekspertët besojnë se është prerë nga një gur edhe më i madh dhe tani është pjesë e bizhuterive të kurorës iraniane. Një tjetër diamant i prerë nga i njëjti gur është gjithashtu pjesë e të njëjtit koleksion.

LOOK: Miners in Angola have unearthed a rare pure pink diamond that is believed to be the largest found in 300 years, the Australian site operator announced. | 📸: AFP pic.twitter.com/NiCzdRR9HB

— Inquirer (@inquirerdotnet) July 27, 2022

Diamanti më i madh i përafërt i çdo ngjyre i regjistruar ndonjëherë është diamanti Cullinan, i gjetur në Afrikën e Jugut në vitin 1905.

Me peshë 3107 karat – më shumë se gjysmë kilogrami, u pre në 105 gurë të ndryshëm.

Më i madhi prej tyre – Cullinan I – është diamanti më i madh i prerë në botë dhe është pjesë e bizhuterive të kurorës së Mbretërisë së Bashkuar. /Telegrafi/