Dhoma e ditës sipas Feng Shui

Dhoma e ditës zakonisht përbën hapësirën më të madhe në banesë/shtëpi, mirëpo shumica e njerëzve e kanë zakon që ta teprojnë me orendi dhe kështu e shndërrojnë atë në një hapësirë të tendosur dhe të ngushtë ku nuk mund të kalojë energjia “chi”

Nëse dhoma e ditës është e vogël, atëherë çelni hapësirat rreth saj. Është shumë më praktike që dhomën e ditës dhe kuzhinën ta shndërroni në një hapësirë të përbashkët pa mure që i ndajnë ato.

Kalimi i energjisë “chi” është shumë më i lehtë në një hapësirë të vetme të madhe, sesa nëpër disa hapësira të vogla. Nëse dëshironi që dhoma e ditës të duket edhe më e madhe, atëherë vendosni pasqyra në mure.

Pjesët më të rëndësishme të orendive në dhomën e ditës janë garniturat për t’u ulur, dhe ato ndikojnë në gjithë ambientin e dhomës. Dhoma e ndriçuar do t’u ndihmojë që hapësira në të cilën jetoni të jetë pozitive, transmeton Telegrafi.

Dielli ushqen energjinë “chi” dhe nxit rrymimin e saj. Në këtë mënyrë, që të lëvizë lirshëm energjia “chi”, largoni orenditë e mëdha dhe mos e teproni me tekstil dhe mbulesa.

Keni parasysh se orenditë teknike ndikojnë negativisht në energjinë “chi”, për këtë arsye televizorin vendoseni sa më larg nga vendi ku uleni. Afër televizorit, DVD-së, apo ndonjë aparati tjetër teknik, vendosni domosdo ndonjë bimë me gjethe rrethore, sepse ajo do ta zvogëlojë efektin e tyre negativ.

Që ta shndërroni dhomën tuaj të ditës një vend në të cilin do të kënaqeni dhe relaksoheni, gjatë zgjedhjes së mobileve, kujdes që ato të mos jenë rrethore, si dhe të mos kenë skaje të mprehta. Garniturën për t’u ulur vendoseni pranë murit.

Sa i përket pikturave, vendosni tema gazmore, apo p.sh. një pikturë të bukur të perëndimit të diellit. Zgjedhja e pikturës së mirë ka rëndësi sepse ato kanë efekt pozitiv psikologjik.

Mesi i dhomës, sikurse të gjitha hapësirat tjera, duhet të jetë relativisht i zbrazët.

/Telegrafi/