Derbi në javën e gjashtë të Superligës së Kosovës në basketboll

Këtë mesjavë zhvillohet xhiroja e gjashtë në Art Motion Superligën e Kosovës në basketboll.

Takim shumë interesant do të zhvillohet ndërmjet Golden Eagle Yllit dhe Rahovecit, dy skuadra që kanë rivalitet mes tyre. Të dy skuadrat nuk e kanë nisur aq mbarë edicionin e ri dhe kjo e rrit edhe më shumë presonin për fitore.

Therandasit pas tri humbjeve radhazi, mundën Sigal Prishtinën dhe RC Cola Dritën, kurse Vreshtarët kanë vetëm një fitore dhe katër humbje. Takimet mes këtyre dy skuadrave kanë dhuruar ndeshje interesante dhe kështu pritet edhe të mërkurën.

Sfidë interesante pritet edhe ndërmjet skuadrave nga Prizreni, Prizreni 16 dhe Bashkimi. Të dy skuadrat kanë nga tri fitore dhe dy humbje, e kjo pritet të bëjë përballjen edhe më interesante.

Të enjten, RC Cola Drita që nuk ka shënuar asnjë fitore përballet me Pejën. Verdhezinjtë kanë katër fitore dhe një humbje.

Ndeshja Trepça-Sigal Prishtina do të zhvillohet më 30 tetor.

Java 6

E mërkurë

17:00 Golden Eagle Ylli – Rahoveci

20:00 Prizreni 16 – Bashkimi

E enjte

17:00 RC Cola Drita – Peja

30 tetor

19:00 Trepça – Sigal Prishtina