Gareth Bale është lënë jashtë listës së lojtarëve të ftuar për ndeshjen e Real Madridit ndaj Manchester Cityt.
Mbretërit do të luajnë këtë javë ndaj City në Etihad në ndeshjen kthyese të vlefshme për 1/8-tën e Ligës së Kampionëve.
Ekipi i Zinedine Zidane ka përpara një deficit prej 2-1 nga ndeshja e parë e humbur në Santiago Bernabeu dhe do të bëjë të pamundurën për tu kualifikuar.
Trajneri francez tashmë ka publikuar listën e lojtarëve të ftuar për ndeshjen në Etihad ndaj City dhe aty nuk mungojnë befasitë.
Befasia më e madhe është mungesa e Gareth Bale, i cili nuk është ftuar fare nga Zidane, pavarësisht se është i aftë dhe i disponueshëm.
Bale filloi vetëm 12 ndeshje në La Liga këtë sezon, pasi Reali rifitoi titullin nga Barcelona, me gjashtë paraqitje të tjera duke dalë nga bankina.
Që kur futbolli u kthye në Spanjë në qershor, 31-vjeçari bëri vetëm dy paraqitje për klubin mbretëror.
Te Real Madridi në ndeshjen ndaj Cityt do të mungojë edhe kapiteni Sergio Ramos, i cili është i pezulluar. /Telegrafi/
