Dedikimi i ëmbël i Rona Nishliut për ditëlindjen e parë të vajzës

Vajza e këngëtares Rona Nishliu feston ditëlindjen e parë, ndërsa artistja i ka bërë një dedikim mjaft emocional.

“Noa jetë e vogël, e madhe! Nëntë muaj mezi të pritëm dhe kur të pamë, ti ishe trilionfishi i asaj që ne kishim imagjinuar për ty”.

“Zemra rreh çdo ditë e më fort, se ti zbukuron çdo sekondë të jetëve tona, vetëm me një buzëqeshje e me katër kicat e tu të bukur e të bardhë!”

Lexo po ashtu Personazhet e famshme shqiptare që u bënë nëna për herë të parë në 2019

“Noa, ti je pauza më e bukur e qetësisë dhe piskama më e fortë e dashurisë… Ky po që ishte viti më i bukur i jetës sime e kushedi sa të mrekullueshëm do të jenë të tjerat që do vijnë pas”.

“Gëzuar ditëlindjen oj gëzime, fytyra jote ndriçoftë përnatë si hanë e rrezatoftë përditë si diell. U rritsh me gëzime e shëndet, plot gjallëri, kuriozitet për planetin dhe paç shumë shoqe e shokë. Të duam Noa jonë”, ka shkruar Rona në dedikimin e saj.

Më 19 korrik të vitit të kaluar, këngëtarja dhe partneri i saj u bënë prindër për herë të parë. /Telegrafi/

https://www.instagram.com/p/CC0QIcElW7v/