Deçani mikpritës i një koncerti të jashtëzakonshëm të muzikës klasike

Salla e Qendrës Rinore në Deçan u shndërrua në një skenë të artit dhe elegancës, ku u mbajt një koncert klasik me artiste të talentuara që mahnitën publikun me interpretimet e tyre.

Mezzosopranoja Besiana Mehmedi dhe sopranoja Adelina Paloja, të shoqëruara nga pianistja Alba Muçolli, krijuan një atmosferë të paharrueshme me kryevepra të muzikës klasike.

Kryetari i Deçanit, Bashkim Ramosaj, ka shpërndarë fotografi nga ky koncert përmes Facebook, duke u shprehur se ky koncer solli emocione të mëdha.

“Salla e Qendrës Rinore në Deçan, u bë skena e një koncerti të jashtëzakonshëm klasik, me artiste të talentuara që me mjeshtëri sollën kryevepra të muzikës klasike, duke krijuar një atmosferë plot emocione dhe elegancë”, ka shkruar ndër të tjera Ramosaj.

Mbrëmja u nderua gjithashtu nga prania e Maestro Zhani Ciko dhe profesoresha Rudina Ciko, të cilët me përkushtimin dhe prezencën e tyre i shtuan një dimension të veçantë këtij eventi.

Ky koncert përfaqësoi një festë të artit dhe kulturës, duke falënderuar të gjithë artistët dhe pjesëmarrësit për këtë mbrëmje të paharrueshme. /Telegrafi/