Debutim ëndrrash në elitën e futbollit çek, Zyba: Vuajta shumë deri te transferimi, tani jam i lumtur
![Debutim ëndrrash në elitën e futbollit çek, Zyba: Vuajta shumë deri te transferimi, tani jam i lumtur](https://telegrafi.com/wp-content/uploads/2024/07/Screenshot_2-85-780x439.jpg)
Qëndrim Zyba ka kompletuar dy javë më parë transferimin te Slovan Libereci në Superligën e Çekisë nga Ballkani.
Kampioni në fuqi i Kosovës ka fituar 350 mijë euro nga shitja e Zybës, megjithatë transferimi i tij në Republikën Çeke nuk ka qenë aspak i lehtë.
Telegrafi merr vesh se negociatat kanë zgjatur më shumë se një muaj dhe Ballkani fillimisht nuk dëshironte të dëgjonte për ofertat për mesfushorin.
Lojtari ka vuajtur shumë deri sa u realizua transferimi, megjithatë tani ka harruar atë periudhë jo të mirë.
“Nuk shkoi ashtu siç kisha planifikuar te Legia dhe klubi polak kishte të drejtën e blerjes së kartonit për 350 mijë euro. Megjithatë një ofertë e tillë erdhi nga Libereci dhe te Ballkani nuk donin të dëgjonin për të pasi kërkonin me çdo kusht të më mbanin dhe donin që të isha pjesë e klubit”.
“Unë personalisht doja me çdo kusht të largohesha dhe isha në presion të madh, vuaja pasi mendoja se nuk do të largohesha. Por pas shumë negociatave mes klubeve transferimi u kompletua, megjithatë mund të them se kam vuajtur shumë në ato javë dhe për këtë janë në dijeni vetëm menaxherët e mi, familja dhe rrethi i ngushtë i imi”, tha Zyba për Telegrafin.
“Dua ta falënderojë edhe klubin tim të qytetit Ballkanin dhe presidentin Arsim Kabashi që në fund kanë marrë parasysh dëshirën time për të luajtur në Evropë dhe kanë gjetur marrëveshjen me Liberecin. Për mua primare ishte të luaja në Evropë shkaku edhe i Kombëtares dhe të bëj një karrierë më të mirë”, shtoi Zyba.
Përpos 350 mijë eurove nga Slovan Libereci, Ballkani ka fituar edhe 100 mijë euro nga Legia Varashavë për huazimin gjashtë mujor të mesfushorit në Poloni.
Me tu transferuar te Libereci, Zyba ka gjetur sërish lumturinë pasi ndodhet në një klub profesionist dhe ndër më të mëdhenjtë në Republikën Çeke.
“Pritja që mu është bërë në Liberec ka qenë fantastike. Për besë mendoja se nuk do të vija më këtu pasi negociatat ishin të stërzgjatura dhe fillova të mendoj se klubi do të hiqte dorë nga unë”.
“Gjithsesi të gjithë në klubin tim kanë insistuar për transferimin tim dhe jam shumë i lumtur që jam pjesë e këtij klubi”, tha Zyba.
Libereci është një klub i respektuar në Çeki pasi ka edhe tre tituj kampioni dhe dy kupa të shtetit të fituara, derisa më parë në të ka luajtur edhe Herolind Shala.
“Kënaqësi që më parë ka luajtur një futbollist kosovar këtu si Herolind Shala dhe të gjithë në klub e kujtonin si një futbollist jashtëzakonisht profesionist dhe një djalë shembullor”.
“Gjithsesi përveç në klub edhe në qytet jam pritur mirë pasi ka edhe këtu shqiptarë që jetojnë dhe më është bërë një pritje e shkëlqyer”, vazhdoi tutje Zyba për Telegrafin.
23-vjeçari bërë një debutim fantastik me Liberecin, ku në ndeshjen e parë asistoi në fitoren 1-3 në udhëtim te Karvina.
“Nuk kam edhe shumë kohë që jam me klubin dhe për atë trajneri nuk ka dashur të rrezikoj për të më inkuadruar nga minuta e parë. Gjithsesi jam shumë i lumtur që për ato minuta sa luajta kam kontribuar me asistim në fitoren e klubit tim”, tha Zyba.
🎥 Vedeme o dvě branky! https://t.co/kRSbJK9Ldz pic.twitter.com/GWodAZfwM7
— FC Slovan Liberec (@FCSlovanLiberec) July 21, 2024
Ai e sheh klubin çek si një mundësi të mirë të luaj më shumë, të rritet dhe më vonë të bëj një hap më të madh në karrierë.
“Qëllimi im është të luaj rregullisht, të gjej ato minutat që nuk i kam pasur dhe pastaj të bëj edhe hapin e madh në karrierë pasi si çdo futbollist edhe unë ëndërroj që një ditë të luaj në top ligat evropiane”, vazhdoi tutje mesfushori therrandas.
Zyba është pjesë e Kombëtares së Kosovës, por pasi nuk ishte duke luajtur te Legia ai nuk është ftuar në mars dhe në qershor. Gjithsesi ai tani pret që të kap formën më të mirë dhe të rikthehet në Kombëtare.
“Për çdo futbollist Kombëtarja është e shenjtë dhe mezi presin grumbullimin. Mua më mbetet të luaj sa më shumë, të punoj sa më shumë dhe pastaj është trajneri ai që vendos për ftesë ose jo”.
“Gjithsesi sa më përket mua unë gjithmonë dhe në çdo kohë do të jem i gatshëm për Kombëtaren, sa herë të më kërkohet të jap kontributin pasi është nderi më i madh që më është bërë duke veshur fanellën e Kosovës”, tha Zyba.
Ndeshjen e radhës Zyba me skuadrën e tij do ta zhvillojnë si nikoqir të Sigma Olumuc të dielën me fillim nga ora 14:30. /Telegrafi/
Promo
Reklamo këtuLufta Prigozhin - Putin
Më shumëNga Rubrika
![Nëse Barcelona nuk ia rritë pagën, babai i Lamine Yamal identifikon dy klube që djali i tij mund t’u bashkohet](https://telegrafi.com/wp-content/uploads/2024/07/yamal-2-380x233.png)
Nëse Barcelona nuk ia rritë pagën, babai i Lamine Yamal identifikon dy klube që djali i tij mund t’u bashkohet
![Njëri nga heronjtë e Real Madridit në sezonin e kaluar bën kërkesë për t’u larguar](https://telegrafi.com/wp-content/uploads/2024/07/real-madrid-1-380x233.png)
Njëri nga heronjtë e Real Madridit në sezonin e kaluar bën kërkesë për t’u larguar
![Lojtari i harruar largohet nga Chelsea – nuk kishte luajtur për më shumë se dy vite](https://telegrafi.com/wp-content/uploads/2024/07/sarr-380x233.png)
Lojtari i harruar largohet nga Chelsea – nuk kishte luajtur për më shumë se dy vite
![Ylli i Bayernit gaboi në pasim, Vincent Kompany me reagim të tepruar](https://telegrafi.com/wp-content/uploads/2024/07/goretzka-380x233.png)
Ylli i Bayernit gaboi në pasim, Vincent Kompany me reagim të tepruar
![Arrihet marrëveshja: Marco Reus bëhet me skuadër të re](https://telegrafi.com/wp-content/uploads/2024/07/reus-1-380x233.jpg)
Arrihet marrëveshja: Marco Reus bëhet me skuadër të re
![Simeone po e transferon te Atletico sulmuesin që befasoi të gjithë sezonin e kaluar](https://telegrafi.com/wp-content/uploads/2023/08/simeone-380x233.jpg)
Simeone po e transferon te Atletico sulmuesin që befasoi të gjithë sezonin e kaluar
![Hazard emëron lojtarin më të talentuar me të cilin ka luajtur - pak kush e njeh](https://telegrafi.com/wp-content/uploads/2024/07/hazard-380x233.png)
Hazard emëron lojtarin më të talentuar me të cilin ka luajtur - pak kush e njeh
![Arabia Saudite ka ndalur shpenzimet: Sa para kanë shpenzuar në këtë afat kalimtar dhe cilët janë emrat që mund të zbarkojnë?](https://telegrafi.com/wp-content/uploads/2024/07/Screenshot-2024-07-21-211451-380x233.png)
Arabia Saudite ka ndalur shpenzimet: Sa para kanë shpenzuar në këtë afat kalimtar dhe cilët janë emrat që mund të zbarkojnë?
![Mendonit se gjithçka kishte mbaruar me futbollin e kombëtareve? Shikoni cilët yje të futbollit dhe trajnerë me të ardhme luajnë në Lojërat Olimpike të Parisit](https://telegrafi.com/wp-content/uploads/2024/07/paris-2024--380x233.jpg)
Mendonit se gjithçka kishte mbaruar me futbollin e kombëtareve? Shikoni cilët yje të futbollit dhe trajnerë me të ardhme luajnë në Lojërat Olimpike të Parisit
![Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254](https://telegrafi.com/wp-content/uploads/2024/02/1a-1-380x233.jpg)
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
![Ideale për zyre – në qendër të Prishtinës lëshohet banesa me qira ID-253](https://telegrafi.com/wp-content/uploads/2024/02/DSC00994-380x233.jpg)
Ideale për zyre – në qendër të Prishtinës lëshohet banesa me qira ID-253
![Krijo hapësirën tënde të biznesit – zyre me qira te 4 Llulat – 300€/muaj ID-252](https://telegrafi.com/wp-content/uploads/2024/02/Template-per-Instagram-380x233.jpg)
Krijo hapësirën tënde të biznesit – zyre me qira te 4 Llulat – 300€/muaj ID-252
![Ofertë e veçantë – vila në Brezovicë ofrohet me zbritje ID-246](https://telegrafi.com/wp-content/uploads/2023/11/Foto-Kryesore-4-380x233.jpg)
Ofertë e veçantë – vila në Brezovicë ofrohet me zbritje ID-246
![Një jetë e re fillon këtu – banesa e gatshme 2+1 në rrugën ‘Gazmend Zajmi’ ID-251](https://telegrafi.com/wp-content/uploads/2024/02/Foto-Kryesore-380x233.jpg)
Një jetë e re fillon këtu – banesa e gatshme 2+1 në rrugën ‘Gazmend Zajmi’ ID-251
Më të lexuarat
![Ishte braktisur në udhëkryqin Arllat-Llapushnik në vitin 2000, 24-vjeçarja kërkon të gjejë prindërit e saj biologjikë](https://telegrafi.com/wp-content/uploads/2024/07/Ramiz-Lladrovci-vajza-sos-380x233.jpg)
Ishte braktisur në udhëkryqin Arllat-Llapushnik në vitin 2000, 24-vjeçarja kërkon të gjejë prindërit e saj biologjikë
![Erdhi në Shqipëri për dy javë, bjellorusja dashurohet me shqiptarin dhe vendos të qëndrojë përgjithmonë këtu](https://telegrafi.com/wp-content/uploads/2024/07/bellorusja-380x233.jpg)
Erdhi në Shqipëri për dy javë, bjellorusja dashurohet me shqiptarin dhe vendos të qëndrojë përgjithmonë këtu
![Mërgimtarët shmangin Merdarin dhe vendkalimet e tjera kufitare me Serbinë](https://telegrafi.com/wp-content/uploads/2024/07/kufiri-merdares-380x233.jpg)
Mërgimtarët shmangin Merdarin dhe vendkalimet e tjera kufitare me Serbinë
![Paralajmërimet për sulme të mundshme nga Serbia: Sensibilizim i duhur apo “trembje” e investitorëve](https://telegrafi.com/wp-content/uploads/2024/07/vendi-ku-ishte-grupi-terrorist-serb-ne-Manastirin-e-Banjskes-se-Zvecanit-veri-foto-Ridvan-Slivova-64-780x439-1-380x233.jpg)
Paralajmërimet për sulme të mundshme nga Serbia: Sensibilizim i duhur apo “trembje” e investitorëve
![Si një përditësim i vetëm shkaktoi ndërprerje globale të internetit?](https://telegrafi.com/wp-content/uploads/2024/07/Screenshot_15-22-380x233.png)
Si një përditësim i vetëm shkaktoi ndërprerje globale të internetit?
![A do t’ia dorëzojë Serbia trupin e Faton Hajrizit familjes, flasin juristë e ekspertë të sigurisë](https://telegrafi.com/wp-content/uploads/2024/07/Faton-Hajrizi-3-380x233.jpg)
A do t’ia dorëzojë Serbia trupin e Faton Hajrizit familjes, flasin juristë e ekspertë të sigurisë