De Rossi i bashkohet stafit të Mancinit te Kombëtarja e Italisë

Daniele De Rossi është emëruar si trajneri i ri teknik i Italisë dhe do të bashkohet me stafin e Roberto Mancinit në Coverciano.

Ish-kapiteni i Romës nuk e ka fshehur kurrë dëshirën për të filluar karrierën e tij si trajner dhe ish-përfaqësuesi i Italisë ka pranuar mundësinë nga FIGC me Azzurrët.

Ai do të punojë së bashku me Mancinin me skuadrën kombëtare, si një trajner teknik dhe do të mësojë ‘hilet e zejes’ nga krye-trajneri aktual.

Lexo po ashtu De Rossi po përgatitet të jetë trajner në Evropë, por ka kritika për Italinë: Ka stadiume që po copëtohen dhe skuadra me futboll shumë të keq

“Jam krenar që fillova këtë karrierë të re me ekipin kombëtar dhe falënderoj Presidentin Gabriele Gravina dhe trajnerin Mancini për besimin dhe mundësinë”, ka thënë fillimisht De Rossi për faqen zyrtare të FIGC.

“Do të jetë emocionuese të kthehem në Coverciano, që për mua do të thotë të kthehem në shtëpi dhe të gjej shumë ish kolegë dhe miq në stafin dhe grupin. Mezi pres të filloj”, përfundoi italiani.

🇮🇹 Confirmed: Daniele De Rossi joins Roberto Mancini’s coaching staff until the end of the EURO’s. Huge for Italy! pic.twitter.com/P1undc24bw

— Adriano Del Monte (@adriandelmonte) March 18, 2021

Për ardhjen e De Rossit te Italia ka folur edhe trajneri Mancini, i cili e mirëpret me kënaqësi.

“Jam shumë i kënaqur që Daniele bashkohet me grupin tonë, jam i sigurt se ai do të jetë në gjendje t’u japë djemve një kontribut të rëndësishëm dhe shpresoj që përvoja e tij e parë të jetë e dobishme për të ardhmen”, ka thënë Mancini. /Telegrafi/