De Ligt, objektivi numër një i Barçës gjatë dimrit

Mbrojtësi i Ajaxit, Matthijs de Ligt, thuhet se ka dalë si objektivi kryesor i transferimeve të Barcelonës për në afatin kalimtar të janarit.

Gjiganti katalunas po ecën mirë në kampionat, ku janë lider, por edhe në Ligën e Kampionëve me tri fitore nga tri ndeshje në grup.

Megjithatë, për dallim nga sulmi dhe mesfusha, reparti i mbrojtjes është më i dobët dhe me më pak lojtarë te skuadra katalunase.

Lexo po ashtu Matthijs de Ligt futet në histori të finaleve evropiane

Sipas gazetës spanjolle Mundo Deportivo, Barça ende po punon për të sjellë një qendërmbrojtës, pasi i është kërkuar edhe gjatë verës nga trajneri Ernesto Valverde.

Edhe pse Yerry Mina pritet të mbërrijë nga Palmeiras në dimër, gazeta thotë se Blaugranët po shkojnë talentin De Ligt.

Mbrojtësi i Ajaxit tashmë është një reprezentues i kombëtares së Holandës, pavarësisht se është vetëm 18 vjeç, por thuhet se potencial “të pashoq nga mbrojtësit e tjerë në moshën e tij”.

Lexo po ashtu Barça dhe Reali në 'luftë' për shërbimet e De Ligt

Mundo Deportivo shton se Barça po e shikon edhe adoleshentin francez Dayot Upamecano, i cili luan për RB Leipzig, por arritja e tij do të ishte më e vështirë duke pasur parasysh se ekipi i tij është në Ligën e Kampionëve dhe nuk kanë nevojë për para.

Ndryshe, për mbrojtësin holandez të Ajaxit interesim ka shprehur edhe rivali i madh i Barcelonës, Real Madridi. /Telegrafi/

https://www.youtube.com/watch?v=NQMPKJy7IeY