De Gea refuzon të largohet nga Unitedi për Realin

Portieri spanjoll, David de Gea nuk do të shtyjë të largohet nga Manchester Unitedi për Real Madridin.

Kampionët e Evropës janë admirues afatgjatë të De Geas dhe kanë një histori të madhe rreth dështimit për ta afruar në skuadër disa vite më parë.

Por, sipas mediumit britanik The Sun dhe burimeve të portierit të Unitedit, 27-vjeçari De Gea është gati të rezistojë çdo oferte të spanjollëve tani.

Lexo po ashtu Ngritja e David De Geas, besimi i madh i Sir Alex, periudha e vështirë dhe shndërrimi në njërin prej më të mirëve në botë

Pas arritjes nga Atletico Madrid gjashtë vjet më parë, De Gea ndjen besnikërinë ndaj Unitedit dhe veçanërisht tifozëve të tyre.

Ai ishte në prag të largimit për në Bernabeu në verën e vitit 2015, por dokumentet nuk ishin përfunduar në kohë dhe transferimi dështoi.

Kontrata aktuale e De Geas gjithashtu skadon në vitin 2019, por United kanë një mundësi për të zgjatur atë me një vit, e cila është në favor të tyre.

Lexo po ashtu Reali Madridi i jep ultimatum De Geas

Ndryshe, De Gea në këtë sezon është duke bërë paraqitje brilante, e cila e ka bërë të thyej një rekord të Ligës Premier për më shumë pritje për një ndeshje, pikërisht në udhëtim ndaj Arsenalit.

Si alternativa tjera për portën në rast dështimi të De Geas, Reali i sheh Thibaut Courtoisin e Chelseat dhe Gianluigi Donnarumman e Milanit. /Telegrafi/

Lexo po ashtu De Gea futet në histori të Ligës Premier pas paraqitjes ndaj Arsenalit