Dallimi midis kremit të ditës dhe atij të natës: Pas moshës tridhjetëvjeçare, kemi nevojë për të dyja

Me hyrjen në vitet e tridhjeta, çdo femër ka nevojë për kujdes më intensiv të fytyrës, sepse lëkura ngadalë humb elasticitetin e saj, prodhimi i kolagjenit bie dhe rrudhat bëhen më të dukshme

Regjimi i duhur i kujdesit përfshin si kremin e ditës ashtu edhe atë të natës, transmeton Telegrafi.

Kremi i ditës

Detyra kryesore e kremit të ditës është mbrojtja e lëkurës nga ndotja e përditshme dhe era. Krijon një lloj barriere dhe parandalon tharjen e lëkurës. Thithet lehtësisht dhe nuk lë mbetje të yndyrshme.

Më së shpeshti përmban një filtër UV, i cili e mbron nga rrezatimi i dëmshëm dhe rrudhat e parakohshme. E aplikojmë kremin e ditës në mëngjes dhe, nëse është e nevojshme, gjatë ditës.

Kremi i natës

Është i pasur me përbërës aktivë që nxisin ripërtëritjen e lëkurës, e hidratojnë thellësisht. Kremi i natës është më i pasur se kremi i ditës dhe depërton në lëkurë më lehtë.

Kremrat janë më të nevojshme për lëkurën e thatë që e humb lehtë lagështinë, thahet dhe çahet më shpejt. Sidoqoftë, ato me bazë parfumi duhet të shmangen pasi mund të shkaktojnë skuqje dhe zbokth. /Telegrafi/