Dadoja rrah brutalisht motrat binjake, prindërit publikojnë pamjet (Video, +18)

Prindërit e vajzave binjake janë shokuar kur panë se si dadoja të cilën e paguanin që të kujdeset për vajzat e tyre, kishte rrahur në mënyrën më brutale të mundshme foshnjat.

Pamjet e filmuara nga kamerat e sigurisë, shfaqin dadon Elisa Villegas Sanchez e cila godet me shuplaka në kokë vajzat dhe i godet me shkelma, transmeton Telegrafi.

Ajo madje në një moment duket sikur dëshiron t’ia thyej boshtin kurrizor njërës prej vajzave të gjora, prindërit e të cilave nuk ishin në dijeni për dhunën e dados derisa nuk i panë pamjet e kamerave që filmuan gjithçka.

Megjithatë, autoritet lokale në shtetin meksikan Tlaxcala, kanë njoftuar se provat janë të pamjaftueshme që të fillojnë hetimet.

Prindërit e shokuar me veprimin e dados kanë publikuar edhe në internet pamjet, ku gruaja e pashpirt e godet në fytyrë vajzën me telekomandë të televizorit.

Villegas Sanchez punonte për këtë familje për më shumë se një vit, ndërsa që nga publikimi i pamjeve ata janë kërcënuar nga ajo. /Telegrafi/