Cucurella shkaktoi skandal me këpucët e reja të futbollit, mësohet se marka gjermane e famshme do të dështojë me modelin e ri

Marc Cucurella bëri një “shfaqje” të vërtetë me këpucët e tij në derbin e Londrës kundër Tottenham.

Si ambasador i Puma-s, ai ka pasur mundësinë që para prezantimit zyrtar të vishte këpucët më të reja, por i ka reklamuar në mënyrën më të keqe të mundshme.

Cucurella rrëshqiti dy herë në fillim të lojës dhe të dyja herë Tottenham shënoi gol. Ai fajësoi këpucët për gjithçka, kështu që i ndërroi ato pas më pak se 20 minutash lojë.

Ai veshi këpucët e vjetra dhe menjëherë asistoi në një nga golat e Chelseat.

Për ta bërë edhe më të madh skandalin, Cucurella ka postuar një fotot në Instagram pas ndeshjes, ku shihet sesi i ka hedhur këpucët e futbollit në koshin e plehrave. Ai shpejt e fshiu postimin, por shumë vonë pasi fotoja bëri xhiron e botës.

Puma ende nuk e ka prezantuar zyrtarisht këtë model të ri këpucësh futbolli dhe prezantimi është planifikuar për Krishtlindje.

Lexo po ashtu Cucurella bëri një veprim të pazakontë pas ndeshjes duke iu kërkuar falje tifozëve të Chelseat

Vlera e këtyre këpucëve të reja të quajtura “Future 8” është 265 euro dhe ambasadori i tyre Cucurella është kujdesur që pak njerëz t’i blejnë këto çizme.

Gazeta e njohur britanike Daily Mail raportoi se pritet që këto këpucë të reja të futbollit të mos shiten aq shumë. Kompania e njohur gjermane e veshjeve sportive tashmë është nën presion pasi nuk arriti të përmbushë pritshmëritë me shitje në tremujorin e tretë të vitit dhe tashmë këpucët e reja të futbollit janë dëshmuar si një opsion i keq, të paktën në rastin e futbollistit spanjoll.

Puma face a marketing DISASTER on their new £220 boots as big-money ambassador Marc Cucurella is forced to delete his photo of them in the bin after Chelsea star slipped twice and had to change footwear https://t.co/ljvtyAVLcG

— Mail Sport (@MailSport) December 10, 2024

Çizmet reklamohen si të specializuara në tre cilësi në fushë – përshtatshmëri, lëvizje dhe kontroll.

Por Cucurella nuk tregoi asnjë nga ato atribute në startin e tyre dhe gjithçka përfundoi me hudhjen në koshin e plehrave. /Telegrafi/