Cristiano Ronaldo nuk e ka votuar asnjëherë Lionel Messin për asnjë çmim individual ndër vite

Tashmë janë bërë publike edhe votat që janë dhënë për më të mirët e zgjedhur nga FIFA e njohur si “FIFA The Best”, ku Lionel Messi fitoi ndaj Cristiano Ronaldos dhe Virgil van Dijkut.

Messi që u zgjodh si ‘Lojtari më i mirë i vitit’, kishte votuar për Ronaldon, por portugezi nuk ia ka dhënë asnjë votë.

Ronaldo zgjodhi Matthijs de Ligt, Frenkie de Jong dhe Kylian Mbappe, si tre më të mirët, kurse Messi në anën tjetër kishte votuar për Sadio Mane, Ronaldon dhe De Jongun. E qartë që Ronaldo nuk ka dashur ta ndihmojë rivalin e tij për ta fituar çmimin.

Messi kishte dhënë votë për sulmuesin e Juventusit, por nuk e kishte votuar Virgil Van Dijk që shihej si favorit për këtë çmim. Votimi i Messit për Ronaldon lidhet nga mediat si mos rrezik për fitimin e çmimit nga portugezi.

Por sipas votave të nxjerra ndër vite,  Ronaldo nuk e ka votuar asnjëherë Messin, në asnjë nga çmimet ku votojnë kapitenët. Që nga ‘Topi i Artë’ i vitit 2010, Ronaldo e ka injoruar Messin.

Votat e Cristiano Ronaldos

Topi i Artë

2010: Xavi, Casillas, Sneijder

2011: Nuk votoi

2012: Nuk votoi

2013: Falcao, Bale, Ozil

2014: Ramos, Bale, Benzema

2015: Benzema James, Bale

The Best

2016: Bale, Modric, Ramos

2017: Modric, Ramos, Marcelo

2018: Varane, Modric, Griezmann

2019: De Ligt, De Jong, Mbappe

Votat e Lionel Messit

Topi i Artë

2010: Nuk votoi

2011: Xavi, Iniesta, Aguero

2012: Iniesta, Xavi, Aguero

2013: Iniesta, Xavi, Neymar

2014: Di Maria, Iniesta, Mascherano

2015: Suarez, Neymar, Iniesta

The Best

2016: Suarez, Neymar, Iniesta

2017: Suarez, Iniesta, Neymar

2018: Modric, Mbappe, Ronaldo

2019: Mane, Ronaldo, De Jong

Pra Ronaldo nuk e ka votuar asnjëherë Messin, në asnjë nga tre të parët.

Kjo ka ndodhur dhe pas vlerësimit që e bëri ish ylli i Manchester United dhe Real Madridit në ceremoninë e mbajtur nga UEFA.

“E kemi ndarë skenën për 15 vite, unë dhe ai. Nuk e di nëse ka ndodhur ndonjëherë në futboll, dy të njëjtit, gjatë gjithë kohës. Nuk është e lehtë”, kishte thënë Ronaldo.

Edhe pas kësaj Messi nuk është i denjë që të marr të paktën një votë nga Ronaldo. /Telegrafi/