Cllevios i rrjedh në internet kënga “Edi Rama” – nuk lë pa e ngacmuar Noizyn

Kleviol Ahmeti i njohur tashmë për publikun si Cllevio po vazhdon të jetë akoma ndër emrat më të komentuar në rrjete sociale e faqet rozë.

Reperit së fundmi i është publikuar në internet kënga e re “Edi Rama”, ku siç shihet ‘thumbon’ në masë të madhe Noizyn.

Duke qenë se me Rigels Rajkun (emri i vërtetë) është përfshirë në një sherr vitin që lamë pas, ai edhe në këtë projekt e ka përmendur në disa raste.

Përveç artistit të lartpërmendur, ai tërthorazi në këtë këngë ka përfshirë edhe emra të tjerë.

Lexo po ashtu Të gjitha lajmet nga Kleviol Ahmeti

“Mbreti me shapka” – ka qenë një fjali ku Cllevio i referohet Noizyt, e më pas te “Major Bisha” i është referuar sigurimit personal të tij.

Duke qenë se janë në ‘beef’ akoma me njëri-tjetrin, ai ka hedhur kunja edhe në të tjera raste.

Cllevio në këngë ka përmendur edhe rap-artisten nga Prizreni, Doruntina Shala – Tayna, por në aspekt pozitiv.

Një reagim në lidhje me këtë nuk e ka bërë akoma reperi, apo nëse kur do të dilte saktësisht ky projekt. /Telegrafi/

https://www.youtube.com/watch?v=gS9kW921ipA