Cili është vendi më i mirë për ta vendosur ruterin e WiFi-s?

Nëse e vendosni ruterin tuaj të internetit në dhomën “e gabuar” në shtëpinë tuaj, apo edhe në vendin e gabuar në dhomën e duhur, mund të ngadalësoni rrjetin në shtëpi.

Një ekspert i WiFi-s tha për DailyMail se të dish se ku të vendosësh ruterin e bën “të gjithë ndryshimin” për të pasur një sinjal të mirë dhe të keq në pajisjet e lidhura, transmeton Telegrafi.

Alex Tofts, nga Broadband Genie, tha se ruterat nuk duhet të vendosen kurrë poshtë shkallëve, në një dritare, në kuzhinë ose papafingo, dhe gjithashtu nuk duhet të pranë një vazoje ose tasi peshku.

Ruteri juaj është një transmetues radio dhe duhet të keni një “rrugë të pastër” mes ruterit dhe pajisjes që doni ta lidhni me rrjet.

Sinjalet Wi-Fi nuk udhëtojnë mirë nëpër metal, ujë, mure të forta ose mobilje të ngarkuara, kështu që ngritja dhe vendosja e ruterit në një zonë të hapur mund të ndihmojë, shpjegoi Tofts.

“Rregullat e përgjithshme që duhen mbajtur parasysh janë në kërkim të çdo pengese aty pranë që mund të shkaktojë një problem”.

“Mos e vendosni pas mobiljeve të mëdha ose pranë pajisjeve të tjera që mund të shkaktojnë ndërhyrje në sinjal”.

Ruteri nuk duhet të vendoset poshtë shkallëve dhe duhet ta mbani larg mureve të trasha për sinjal të qartë, njëjtë vlen edhe për dyshemenë.

Pajisjet elektrike që përdorin sinjale radio si telefonat pa tela ose monitorët e bebeve mund të ndërhyjnë dhe prishin sinjalin e ruterit tuaj, shpjegon Tofts.

Ai tha: ‘Kuzhina ndonjëherë është shtëpia e disa prej tyre dhe fajtori kryesor është mikrovali juaj.

Vendosja e ruterit në dritare gjithashtu duhet të evitohet sidomos gjatë kohës kur bie në kontakt direkt me diellin.

Nëse rast se pajisja ngrohet shumë, sidomos gjatë stinës së verës mund të jetë një problem. Sipas ekspertit, është e rëndësishme që pajisja të qëndrojë e ‘ftohur’. /Telegrafi/