Cila është maskara ideale?

Femrat preferojnë maskarën. Maskara e zezë është më e preferuara, por janë edhe disa sekrete të tjera të rëndësishme.

Vëllimi
Para blerjes së maskarës duhet të vendosni se a doni ta rrisni vëllimin e qerpikëve, apo doni që t’i lakoni ata dhe t’i bëni të duken më të gjatë.

Ngjyrat
Maskara e zezë është më e preferuara, si për zeshkanet, po ashtu edhe për biondinat. Por, nëse doni të përdorni maskarë me ngjyra, atëherë dijeni se maskara ngjyrë vjollcë përshtatet me ngjyrën e kaltër, të gjelbër dhe gështenjë, të syve, derisa ngjyrat e kaltra dhe të gjelbra të maskarës, më mirë u rrinë sygështenjave.

Qëndrueshmëria ndaj ujit
Maskarat e qëndrueshme në ujë hiqen më me vështirësi, duke ju marrë kështu më shumë kohë, si dhe duke kërkuar më shumë mjete për heqjen e tyre. Për këtë shkak, këto maskara përdorini vetëm kur e dini se do të qani.

Kombinimi i të gjitha llojeve
Nuk është e thënë që të kufizoheni vetëm në një lloj të maskarës. Në fillim duhet të përdoret lakuesi i qerpikëve, e më pas duhet të Vihet maskara për zgjatjen e qepallave. Më pas, me lëvizje zigzage ngjiteni maskarën për vëllim. Para se të thahet maskara, duhet t’i hiqni kokrrat e padëshirueshme të maskarës. /Telegrafi/