Chiellini: Ramos është mbrojtësi më i mirë në botë, ndërhyrja ndaj Salah në finale ishte mjeshtërore

Giorgio Chiellini e ka quajtur Sergio Ramosin si mbrojtësi më i mirë në botë dhe ndërhyrjen e tij ndaj Mohamed Salah në finalen e Ligës së Kampionëve të vitit 2018 e cilësoi si mjeshtërore.

Ramos e dëmtoi në mënyrë të diskutueshme Salah në fitoren 3-1 të Real Madridit kundër Liverpoolit, pasi kishte hedhur gjithë peshën e tij mbi shpatullën e yllit të Reds.

Por, mbrojtësi italian Chiellini mendon se 34-vjeçari ishte thjesht duke treguar ‘zgjuarsinë e tij djallëzore’ dhe bëri një ndërhyrje mjeshtërore.

Lexo po ashtu Chiellini: Arturo Vidal e kishte dobësi alkoolin, por ishte lider dhe luftëtar i vërtetë

“Ai është mbrojtësi më i mirë në botë”, thuhet në një fragment nga autobiografia e Chiellinit, përcjell gazeta AS.

“Ata thonë se ai është impulsiv, por nuk është aspak taktik, pas 8-10 gola pranohen çdo sezon përmes gabimeve të tij, se ai është shumë teknik dhe se ai mund të jetë sulmues, gjë që është e kundërta nga unë”.

“Megjithatë, ai ka dy karakteristika që pothuajse askush tjetër nuk i ka. Ai di të jetë vendimtar në ndeshje të mëdha, me ndërhyrje që tejkalojnë çdo logjikë, që madje shkaktojnë lëndime me zgjuarsi gati djallëzore”.

“Ndërhyrje në Salah në finalen e Ligës së Kampionëve të vitit 2018 ishte mjeshtërore”, përfundoi mbrojtësi italian. /Telegrafi/