Chelsea ia ofron Interit dy yje për Andre Onanan

Chelsea është i gatshëm të ofrojë dy lojtarë për të nënshkruar një portier të ri dhe për të zgjidhur problemin e tyre me sulmuesin Romelu Lukaku.

Blutë po shikojnë portierin e Interit, Andre Onana dhe tani janë gati të bëjnë lëvizjen e tyre pas humbjes së italianëve në Ligën e Kampionëve kundër Manchester City të shtunën mbrëma.

Portieri kamerunas ishte në anën e humbësve pasi skuadra angleze mundi Nerazzurët në finalen e Ligës së Kampionëve, por mund të fitojë një lëvizje fitimprurëse te Chelsea.

Lexo po ashtu Interi afër transferimit të portierit të talentuar

Interi ka gjetur tashmë një zëvendësues siç është Guglielmo Vicario, nga rivalët e Serie A, Empoli.

Por, ata ende po kërkojnë rreth 60 milionë euro për Onanën, i cili e ndaloi Erling Haalandin të shënonte në finalen e Ligës së Kampionëve në Stamboll.

Trajneri i Chelseat, Mauricio Pochettino është një admirues i madh i Onanës dhe është i etur për të përfunduar një marrëveshje.

Lexo po ashtu Liga Premier do të bëjë një ndryshim të madh në VAR sezonin e ardhshëm

Lajmet se Interi tani do të tentojë për të nënshkruar me Vicarion do të jetë më i mirëpritur për argjentinasin pasi ai përgatitet të marrë zyrtarisht drejtimin nga 1 korriku.

Lukaku luajti së bashku me Onanën kundër Cityt në atë që mund të ketë qenë ndeshja e tij e fundit për Interin para përfundimit të huazimit të tij nga Chelsea.

Belgu pritet të kthehet për bisedime me Pochettinon, por do të preferonte të qëndronte në Itali.

Lexo po ashtu Merret vendimi i parë i madh nga Pochettino te Chelsea

Ka pasur bisedime për një marrëveshje të mundshme shkëmbimi me mbrojtësin e padëshiruar të Chelseat, Kalidou Koulibaly.

Mirëpo, përparimi mund të vijë tani nëse, siç pritej, Interi siguron një marrëveshje për Vicarion për të zëvendësuar Onanën.

Dy portierët e Chelseat, Kepa Arrizabalaga dhe Edouard Mendy, përballen me të ardhme të pasigurta në klub si pjesë e një rishikimi të madh të skuadrës. /Telegrafi/