Challandes për festimin e Bernard Berishës: Fola me të pas ndeshjes, nuk pranoj festime të tilla

Bernard Challandes ka folur në konferencë pas ndeshjes së humbur të Kosovës ndaj Greqisë, ndërsa nuk ka mundur t’i ikë pyetjeve për festën e Bernard Berishës pas golit.

Përfaqësuesja e Kosovës u mposht me rezultat 1-2 në shtëpi nga Greqia në kuadër të Grupit 3 në Ligën C të Ligës së Kombeve.

Goli i vetëm për Dardanët erdhi në minutën e 84-të dhe ishte Bernard Berisha, i cili shënoi një supergol.

Lexo po ashtu Kosova mposhtet nga Greqia në ndeshjen e dytë të grupeve në Ligën e Kombeve

Megjithatë, festa e sulmuesit pejan ishte paksa e ekzagjeruar duke iu drejtuar trajnerit Challandes, i cili u nda i pakënaqur me festën e tij.

“Bernard Berisha ka bërë punë të mirë si zëvendësues. Pres që edhe zëvendësuesit të bëjnë punë të mirë”, ka thënë fillimisht Challandes.

“Ju e patë se mënyra e festimit ishte mesazh për mua. Unë nuk pranojë këtë mënyrë festimi”.

Lexo po ashtu Bernard Challandes: Kemi bërë shumë gabime, nuk ishte dita jonë – nuk është turp të humbësh nga Greqia

“Unë fola me të. I thash që t’i më tregove që je pjesë e ekipit, por unë jam trajneri dhe nuk mund ta pranojë këtë lloj festimi”.

“I thash është hera e parë dhe e fundit që bënë këso lloj festash”, përfundoi trajneri i Dardanëve. /Telegrafi/