Challandes: Nuk është ndeshja e jetës ndaj Çekisë, lojtarët duhet ta shijojnë ndeshjen

Bernard Challandes ka folur para ndeshjes me Republikën Çeke që zhvillohet më 14 nëntor.

Përfaqësuesja jonë do të jetë mysafir i çekëve, e që do na duhet fitoja me çdo çmim në mënyrë që t’i mbajë gjallë shpresat për në kualifikimet për Euro 2020.

Por, strategu zviceran se kjo nuk do të jetë ndeshja e jetës, por që ne duhet të luajë një ndeshje të mirë dhe lojtarët ta shijojnë përballjen.

“Ndaj Republikës Çeke ne duhet të zhvillojë lojën tonë. Duhet të luftojmë, të luftojmë dhe vetëm të luftojmë”, ka thënë Challandes

“Në këtë ndeshje duhet të kemi qetësinë dhe të jemi të ftohtë para gole. Dua që lojtarët ta shijojnë këtë ndeshje dhe nuk duhet ta përkthejmë në presion të madh”.

“Nuk them se duhet të jemi tërësisht të ftohtë dhe mos të kemi emocion. Një gazetar nga Çekia më telefonoi dhe më tha se kjo është ndeshja e jetës. Absolutisht që jo, nuk duhet të kemi presion, por duhet të shijojmë këtë takim. Pas kësaj ndeshje do të jetë ajo e jetës”, ka shtuar më tej ai.

Kosova do të luajë më 14 nëntor më Republikën Çeke, derisa më 17 nëntor do të luajnë me Anglinë në ‘Fadil Vokrri’. /Telegrafi/