Çfarë u tha Dembele – Xavit dhe lojtarëve përpara se të largohej nga Barcelona

Janë zbuluar fjalët që Ousmane Dembele u ka thënë Xavit dhe bashkëlojtarëve të tij te Barcelona para se të largohej për te Paris Saint-Germain.

Francezi ka dëgjuar zëra se ai ka tradhtuar klubin dhe ka krijuar një mjedis të paqëndrushëm, por sipas tij është e kundërta.

“Unë dua të qëndroj këtu (në Barca) dhe të fitoj tituj, por në një mjedis të shëndetshëm”, i tha Ousmane Dembele, Xavit gjatë një prej takimeve të tyre të fundit përpara largimit të tij, sipas Javier Miguel të Diario AS.

Lexo po ashtu Xavi i bën presion Barcelonës: I do edhe dy transferime, derisa duhen edhe tri largime

Lojtari gjithashtu i tha trajnerit se vendimi i tij për t’u bashkuar me Paris Saint-Germain nuk ka të bëjë fare me paratë. Në vend të kësaj, ai ka ‘humbur besimin’ te disa njerëz në klub ndërsa falënderon trajnerin për besimin e pandërprerë tek ai.

“Ka njerëz që më sulmojnë gjithmonë”, i tha francezi njërit prej lojtarëve të Barçës.

Më herët, u raportua se vendimi i Barcelonës për të emëruar Decon si drejtor të ri sportiv nuk i pëlqeu Dembeles dhe agjentit të tij. Ikona portugeze përfaqësonte interesat e Raphinhas, kështu që punësimi i tij mund të kishte nënkuptuar më shumë rëndësi për brazilianin sezonin e ardhshëm.

Lexo po ashtu Dembele, Cancelo dhe tetë emra të tjerë - kush pritet të transferohet dhe largohet nga Barcelona

Gjithashtu, fjalët e Dembeles mund të kenë të bëjnë me klubin që thuhet se i ofron atij një marrëveshje shkëmbimi për të nënshkruar me Kylian Mbappem edhe pse kjo më vonë u deklarua si lajm i rremë nga shumë njerëz, duke përfshirë edhe krerët e Barçës.

Ousmane Dembele do të nënshkruajë për PSG në orët në vijim. Barcelona do të marrë vetëm 25 milionë euro nga shitja e tij. /Telegrafi/