Paris Saint-Germain i jep përparësi një transferimi për mesfushorin e Real Madridit, Casemiro, sipas raporteve në Spanjë.
Reprezentuesi brazilian është bërë shtyllë e formacionit titullar të Real Madridit nën drejtimin e Zinedine Zidane.
Casemiro ka befasuar të gjithë me talentin dhe pjekurinë e tij duke formuar një mesfushë treshe me yjet si Toni Kroos dhe Luka Modric.
Paraqitjet e tij të mira dhe vazhdimësia kanë bërë që klubet tjera të mëdha evropiane të vihen pas shërbimeve të tij.
Casemiro është njëri nga lojtarët kryesorë të Realit (Getty Images)
Sipas mediumit spanjoll Diario AS, kampionët e Ligue 1, PSG e kanë etiketuar Casemiron si objektivin kryesor për mesfushë.
PSG është e prirur për të gjetur një pasues afatgjatë të Thiago Mottas dhe besojnë se ish-lojtari i Sao Paulos mund të blihet për më pak se klauzola e lirimit prej 200 milionë eurosh.
Drejtori sportiv i klubit parisien, Antero Henrique, thuhet se është një admirues i madh i mesfushorit, me të cilin ai punoi së bashku gjatë kohës së tij me Porton në sezonin 2014/15.
Kontrata e 26-vjeçarit në Bernabeu shkon deri në vitin 2021, por një marrëveshje e re mund të propozohet në muajt e ardhshëm. /Telegrafi/
