Carlo Ancelotti zbulon formacionin për finalen e Ligës së Kampionëve ndaj Liverpoolit

Pak janë duke e shijuar futbollin aq shumë sa Carlo Ancelotti këtë sezon. Trajneri italian ka siguruar titullin e tij të parë në La Liga dhe ka udhëhequr Real Madridin në finalen e Ligës së Kampionëve.

Të enjten në mbrëmje ai shijoi skuadrën e tij duke mposhtur Levanten me rezultat të thellë 6-0 në një paraqitje të shkëlqyer.

Ishte një paraqitje e denjë për një skuadër që festonte titullin, por nuk ka iluzione se fokusi është kthyer te Liga e Kampionëve në Valdebebas.

Ancelotti është pyetur se si do të vendoset Real Madridi për finalen kundër Liverpool dhe italiani nuk ka hezituar të përgjigjet.

Lexo po ashtu Ancelotti flet pas fitores spektakolare ndaj Cityt, tregon edhe si i motivoi futbollistët e Realit për rikthimin

“4-3-3. Ndonjëherë mund të përfundoj si 4-4-2. Nuk mendoj se ka një sistem të përcaktuar, ndonjëherë për të shtypur qendrën, siç bëmë kundër Cityt, kur kalonim nga 4-3-3 në 4-4-1-1”.

“Ideja nuk ndryshon shumë, thjesht mënyra e mbrojtjes së kundërshtarit pak”, ka thënë Ancelotti për Diario AS.

Është ndoshta e pazakontë që një trajner të jetë kaq i sinqertë, por duke pasur parasysh atë që është shfaqur nga Real Madrid gjatë gjithë sezonit, çdo gjë tjetër do të kishte qenë një tronditje e madhe.

Lexo po ashtu Ancelotti bën shaka për përballjen me Liverpoolin në finalen e Ligës së Kampionëve

Pyetja kryesore është nëse Federico Valverde do të startojë në krahun e djathtë të atij formacioni apo Rodrygo Goes.

Braziliani ka qenë një pjesë kyçe e ecurisë së Ligës së Kampionëve, duke shënuar gola të rëndësishëm, edhe pse kryesisht nga bankina. Uruguaiani nuk është një lojtar i natyrshëm anësor, por balancon repartet dhe është një vrapues i fuqishëm. /Telegrafi/