Buzëkuqi i Claudia Schifferit më i shituri në Gjermani, kushton rreth 18 euro (Foto)

Claudia Schiffer konsiderohet si ikonë e modës botërore edhe në moshën 48-vjeçare. 

Gjatë dekadës së fundit të shekullit të kaluar u krahasua me aktoren 84-vjeçare franceze Brigitte Bardot, e cila në kohën e saj të hershme ishte shembull e bukurisë.

Bukuroshja gjermane ka kohë që nuk e kemi parë në ndonjë pasarelë botërore, por kjo nuk do të thotë se nuk është pjesë e mediave rozë botërore.

Ajo së fundi ka hedhur në treg buzëkuqin personal të njohur si “Layer Cake (shtresë ëmbëlsire)”, i cili ka arritur një sukses të jashtëzakonshëm.

“Jam e ngazëllyer teksa ndajë këtë lajm se buzëkuqi im është më i shituri në Gjermani. Ju faleminderit!”, ka shkruar ndër të tjerash në llogarinë personale në Instagram, Claudia.

Ajo më tutje u ka kërkuar fansave që ta provojnë atë dhe t’i përcjellin përshtypjet e para përmes mesazheve teksa theksojmë se ky buzëkuq ka vlerën prej 17.95 euro.

Ndryshe, ajo është shfaqur në më shumë se një mijë ballina të revistave botërore dhe mban rekordin si modelja që ka pushtuar më së shumti ballinat e revistave, e cila është futur në listën e Librin Guinness të Rekordeve Botërore.

Në vitin 2002, Forbes vlerësoi se pasuria e bukuroshes kap shifrat rreth 55 milionë dollarësh amerikanë. /Telegrafi/

https://www.instagram.com/p/BeoZt2Gh3U5/?taken-by=claudiaschiffer