Butragueno: Ne dhe PSG jemi kandidatët kryesorë për ta fituar trofeun, drejtuesit e tyre nuk ishin të kënaqur me shortin

Real Madridi përballet me një përplasje të ashpër me Paris Saint-Germainin në 16-tën e finales së Ligës së Kampionëve, por drejtori i Los Blancos, Emilio Butragueno beson se është shumë herët po takohen këto dy skuadra.

Neymar do të kthehet në Spanjë për herë të parë në një kompeticion që nga largimi i Barcelonës dhe njëri nga favoritët për të fituar trofeun, Reali apo PSG-ja, do të eliminohen.

Megjithatë, sipas drejtorit të klubit të Realit, Butragueno, ky takim ka ardhur shumë herët për këto dy skuadra që janë kandidate kryesore për të fituar në fund trofeun e Ligës së Kampionëve.

Lexo po ashtu Kompletohen çiftet e fazës së parë të eliminimit direkt në LK: Reali kundër PSG-së, Chelsea sfidon Barcën

“Mendoj se është pak herët për këtë takim. PSG-ja janë skuadër e fortë. Mendoj se të dy ekipet janë kandidatë për trofeun. Kjo ndeshje mundet në të vërtetë të ishte finale”, ka thënë fillimisht Burtagueno për RealMadrid TV.

Progresi i klubit francez në Ligën e Kampionëve është dokumentuar mirë, ata kanë vendosur një rekord të ri golash për fazën e grupit, megjithë këtë Butragueno ndjehet sikur shorti nuk favorizon klubin parisien.

“Çdo vit PSG-ja merr më të fortët. Grupi i tyre ka qenë shumë i fortë dhe ata kanë treguar potencial të madh”.

Lexo po ashtu Al-Khelaifi: Kemi respekt për Realin, por jemi gati t'i mposhtim

“Unë nuk mendoj se ishte një short i mirë për ta. Drejtorët e Parisit nuk ishin të kënaqur me shortin, sepse ata po ndeshen kundër kampionëve aktual”.

“Në këtë nivel, gjëja më e rëndësishme është që ne jemi të sigurt. Jemi në më të mirën tonë, ne mund të konkurrojmë kundër çdo skuadre”, përfundoi drejtori i Mbretërve. /Telegrafi/