Burger King Kosova ju fton të porositni në KFC – dhe e ka seriozisht!

Rrjeti amerikan i restoraneve, Burger King në Kosovë e ka bërë një hap të papritur – në një postim të fundit të Burger King në Kosovë, kompania i ka ftuar konsumatorët të bëjnë porosi nga konkurrentët e saj në treg, duke përfshirë edhe KFC dhe disa restoraane tjera vendore. Dhe këtë e ka pasur me gjithë mend, jo për si shaka apo ngacmim për konkurrencën.

“Porositni n’KFC. Po, as neve nuk na ka shku mendja që kemi me ju kërku këtë send ndonjëherë!  Njëjtë qysh asnjëherë nuk na ka shku mendja me ju inkuraju me porosit’ n’Propper, n’Sach, n’Domino’s, n’Sarajevë… apo cilindo restorant tjetër (e që janë shumë për me i përmend krejt), çka po dojmë me thonë osht` – shkurt e shqip, porositni prej cilit do restorant në vend (të shpejtë apo edhe jo shumë të shpejtë)” thuhet në postimin e Burger King në Facebook dhe Instagram.

View this post on Instagram

Është detyrë e kingut që n’kohë të vështira me mendu për krejt.

A post shared by Burger King Kosova (@burgerkingks) on Nov 3, 2020 at 2:49am PST

“Asnjëherë se kemi mendu që kemi me ju kërku këtë send, por jo veç Burger King në Kosovë, që punëson 150 të ri e të reja, por edhe restorantet tjera të vendit punësojnë shumë qytetarë të vendit tonë, e kësaj radhe t’gjithë kanë shumë nevojë për përkrahjen tuaj në këtë kohë.

Kështu që, nëse dëshironi me ndihmu, porositni dhe shijoni ushqimin e shijshëm përmes delivery, take-aëay apo drive-thru. Kuptohet, Ëhopperi mbetet BABA, po me porosit najherë edhe naj kaqik, nuk është që nuk hahet. Faleminderit. Ekipi i Burger King Kosova” vazhdon më tutje thirrja e Burger King për konsumatorët.

Thirrja e Burger King vjen si përgjigje ndaj krizës të cilën e ka shkaktuar pandemia e COVID-19, dhe qëllimi i kësaj thirrje është që të ndihmohen sa më shumë restoranet të të gjitha llojeve, duke përfshirë edhe ato që Burger King i ka quajtur si “jo shumë të shpejta”

Përgjigja ndaj thirrjes kreative dhe qëllim-mirë të Burger King e cila është publikuar dhe në disa vende tjera në të cilat operon brendi i njohur amerikan është pritur shumë mirë nga të gjithë, dhe e njëjta është vlerësuar si shumë e duhur, posaçërisht për kohën e vështirë nëpër të cilën po kalojnë të gjitha bizneset në përgjithësi.