Bulliqi: PDK-ja është fajtore për problemet me Demarkacionin dhe Asociacionin (Video)

Deputeti i Kuvendit të Kosovës nga radhët e Lidhjes Demokratike të Kosovës, Shpejtim Bulliqi, ka thënë se për të mbrojtur vendin duhet të shkohet jo vetëm njëherë, por shumë herë në zgjedhje.

Sipas tij, nëse shkohet në zgjedhje, LDK nuk ka nevojë të tutet, sepse për problemet që kanë ndodhur, si me Demarkacionin, edhe me Asociacionin, nuk i ka fajet LDK, por në atë kohë ka qenë në pushtet Partia Demokratike e Kosovës.

Bulliqi ka thënë në televizionin Rrokum se miratimin e Demarkacionit nuk po e lejon pozita, e jo opozita.

Sipas tij, nëse shkohet në zgjedhje, nuk është problem sakrifikimi i individëve dhe humbja e mandateve, vetëm se duhet të ruhet territori i vendit dhe integriteti i tij.

Bulliqi ka thënë se i kanë ofruar fakte të reja kryeministrit Isa Mustafa, por Qeveria nuk ka shprehur interesim të madh për to.

Ai ka thënë se do të vijë momenti kur pala kosovare do të ulet me palën malaziase për rinegociimin e demarkacionit, dhe se ata kanë shprehur gatishmëri dhe se kjo do të çonte shpejt drejt një zgjidhjeje përfundimtare.

https://www.youtube.com/watch?v=1K9OU1ZbX-U