Britanikut iu deshën gjashtë vjet për të parkuar në të gjitha parkingjet e dyqanit të tij të preferuar

Disa diplomohen nga kolegji në gjashtë vjet, disa udhëtojnë nëpër botë dhe disa arrijnë të parkojnë në të gjitha vendet e lira të dyqanit të tyre të preferuar.

Është britaniku Gareth Wild ai që arriti të bënte pikërisht atë, të parkonte në të 211 vendet e parkimit të një dyqani lokal Sainsbury në periferi të Londrës.

Dhe për të mos humbur se në cilin vend e kishte parkuar veturën e tij më herët, 39-vjeçar mbajti shënime të hollësishme, transmeton Telegrafi.

For the last six years I’ve kept a spreadsheet listing every parking spot I’ve used at the local supermarket in a bid to park in them all. This week I completed my Magnum Opus! A thread.

— Gareth Wild (@GarethWild) April 27, 2021

Kjo “punë madhështore” zgjoi interesin e të gjitha mediave kryesore britanike, kështu që mësuam se Wild filloi ndërmarrjen e tij në vitin 2015.

Ai vendosi çdo herë që të dilte për pazar, që është rreth gjashtëdhjetë herë në vit, të parkonte në një vend tjetër.

I do a big shop once a week with the occasional additional trip to pick up extras but a conservative figure of 60 visits a year meant that I could in theory have completed my challenge in under four years. Annoyingly a global pandemic slowed me down.

— Gareth Wild (@GarethWild) April 27, 2021

Në mënyrë që të shihte se ku kishte parkuar më herët, ai bëri një skemë të parkingut dhe shënoi të gjitha vendet ku ishte parkuar.

Kjo ishte bazuar në një imazh nga Google Maps.

Pasi vuri re se cilat ishin vendet më të kërkuara, ai së pari u nis për të kërkuar ato.

Hapësira e vetme për parkim që ai anashkaloi ishin ato për invalidët dhe ajo e rezervuar për motoçikletat.

Në fund, pasi i dha fund kësaj sfide, ai ishte gjithashtu pak melankolik: “Gjashtë vjet janë shumë kohë. Është e çuditshme të ndihesh kështu, por pasi mbaroi gjithçka, ndjeva një boshllëk të vërtetë”, tha Wild. /Telegrafi/