Britania e Madhe bashkohet me SHBA-në, Japoninë dhe Kanadanë për të ndaluar importet e arit nga Rusia

Britania e Madhe, Shtetet e Bashkuara të Amerikës, Japonia dhe Kanadaja do të udhëheqin vendet G7-së për të ndaluar importit të arit nga Rusia.

Eksportet e reja të arit rus nuk do të lejohen më të hyjnë në të katër vendet, pasi u zbatuan masa të reja të ashpra të krijuara për të rritur presionin mbi Kremlinin në mes të agresionit të tyre ushtarak në Ukrainë.

Ari është eksporti më i madh jo-energjetik i Rusisë, me vlerë 15 miliardë euro për ekonominë e vendit.

Kufizimet e importit në Britaninë e Madhe tani do të zbatohen për mbi 16 miliardë euro eksporte ruse.

“Masat që kemi shpallur do të godet drejtpërdrejt oligarkët rusë dhe do të godasin në zemër makinerinë luftarake të Vladimir Putinit. Ai po shpërdoron burimet e tij për këtë luftë të pakuptimtë dhe barbare. Putin po financon egon e tij në kurriz të popullit ukrainas dhe rus. Ne duhet t’i japim vuajtje regjimit të Putinit. Britania e Madhe dhe aleatët tanë po bëjnë pikërisht këtë”, tha kryeministri britanik Boris Johnson duke folur për masat e reja.

Kufizimi do të hyjë në fuqi së shpejti dhe do të zbatohet për arin e sapo nxjerrë ose të rafinuar. Kjo nuk do të ndikojë në arin me origjinë ruse që është eksportuar më parë nga vendi. /Telegrafi/