Bradley Cooper dhe Irina Shayk shihen duke u përqafuar gjatë shëtitjes familjare me vajzën e tyre mes pretendimeve se janë ribashkuar

Bradley Cooper dhe Irina Shayk vazhduan të ndezin thashethemet për pajtim të mërkurën (8 shtator), pasi të dy u panë duke ndarë një përqafim në rrugët e New Yorkut.

Aktori i “Nightmare Alley”, 47 vjeç, dhe modelja ruse, 36 vjeçe, u përqafua ndërsa bënin një shëtitje me vajzën e tyre Lea De Seine, pesë vjeçe.

Dyshja më pas u panë duke shëtitur së bashku ndërsa të dy mbanin për dore të bijën.

Cooper kishte një pamje të qetë gjatë daljes, i veshur me një bluzë të zezë, pantallona sportive gri dhe atlete të bardha dhe portokalli.

Ndërkohë modelja e pasarelave ishte e veshur me një këmishë të zezë, pantallona të gjerë dhe atlete, shkruan DailyMail.

Modelja e “Sports Illustrated Swimsuit Issue” mbrojti sytë nga dielli me një palë syze të zeza. Ajo përshtati pamjen me një çantë të zezë, me një zinxhir të artë, të vendosur mbi supe.

Ndërkohë vajza e tyre dukej e lezetshme si gjithmonë me një fustan ngjyrë vjollce me yje të verdhë.

Dalja vjen pasi u raportua se çifti po mendonin për rindezjen e romancës së tyre, pasi Irina së fundmi ndau një foto me pushime familjare ku të dy dukeshin komod në Bahamas.

Modelja ruse dukej mbresëlënëse me bikini teksa ishte mbështetur në shpatullën e Bradleyt, i cili kishte veshur pantallona të shkurtë të zi.

Irina ndezi dhe më shumë thashethemet teksa i përshkruajti imazhet me një ’emoji’ të thjeshtë me zemër të kuqe.

Javën e kaluar u raportua se Bradley dhe Irina po mendojnë për të pasur më shumë fëmijë së bashku.

Edhe pse ata u ndanë në vitin 2019, ata kanë mbetur bashkë-prindër shumë miqësorë që atëherë.

“Ishte një arratisje e vërtetë familjare dhe ata po mendojnë të kthehen së bashku”, ka deklaruar një burim.

Burimi pohoi se Irina ‘do të donte që vajza e saj të kishte një vëlla ose motër’ dhe se Bradley është i përshtatshëm për këtë ide.

Ajo dhe Bradley u lidhën fillimisht në vitin 2015 përpara se të dilnin publikisht si çift në vitin 2016, duke mirëpritur vajzën e tyre të vogël në 2017 dhe më pas nisën rrugët e tyre të ndara në 2019.

Edhe pse Bradley u përfol se ishte në lidhje me të besuarën e ngushtë të Hillary Clinton, Huma Abedin, media raporton se ata ishin përfshirë vetëm rastësisht.

Lexo po ashtu Pas dyshimeve për ribashkim, Irina Shayk dhe Bradley Cooper thuhet se po planifikojnë një fëmijë të dytë së bashku

Ndërkohë historia e takimeve të Irina përfshin lidhjen me yllin e futbollit, Cristiano Ronaldo dhe vitin e kaluar ajo u lidh për pak kohë me Kanye West pas ndarjes së tij nga Kim Kardashian. /Telegrafi/