Borussia Dortmund po monitoron situatën e Granit Xhakës me Arsenalin

Granit Xhaka është duke menduar për të ardhmen e tij te Arsenal dhe këtë këtë verë, ai mund të largohet pasi bisedimet për kontratën e re janë ndërprerë.  

Marrëveshja aktuale e mesfushorit shqiptar skadon në vitin 2024 dhe mbetet një opsion për ta zgjatur atë edhe për një vit tjetër.

Negociatat për një kontratë të re filluan në fillim të këtij viti pas paraqitjeve të tij të jashtëzakonshme.

Por Topçinjtë duan të sjellin të paktën edhe një mesfushor të ri në afatin kalimtar të verës  dhe sipas ‘90min’, Xhaka do të konsiderojë largimin nga Londra këtë verë, pasi është tërhequr nga bisedimet për kontratën e re.

Ka disa klube të Bundesligës të interesuara për 30-vjeçarin.

Lexo po ashtu Po kërkohet nga Leverkuseni, Arteta flet për situatën e Xhakës

Borussia Monchengladbach dhe Bayer Leverkusen i Xabi Alonsos ishin klubet e para që shprehën dëshirë.

Por edhe Borussia Dortmund, e cila pritet të humbasë Jude Bellinghamin që do të shkojë drejt Real Madridit, po monitoron situatën e Xhakës.

Xhaka iu afrua një rikthimi në Bundesligë në janar të vitit 2020 kur Hertha Berlin i bëri një ofertë Arsenalit dy muaj pasi mesfushorit iu hoq shiriti i kapitenit. Megjithatë, ai u bind të qëndronte dhe të luftonte për vendin e tij nga Mikel Arteta që sapo kishte ardhur trajner. /Telegrafi/