Bordi i Chelseat shqyrton shkarkimin e Contes

Bordi drejtues i klubit anglez, Chelsea, ka të ardhmen e menaxherit Antonio Conte në fokus të mprehtë.

Puna e Contes është në rrezik pas humbjes turpëruese së tyre nga Bournemouth mbrëmë (e mërkurë), ku Blutë humbën në shtëpi me rezultat 0-3.

Mediat angleze thonë se kjo humbje ka humbur disi durimin e drejtuesve të klubit londinez, të cilët tani janë duke shqyrtuar të ardhmen e italianit.

Lexo po ashtu Bournemouthi e nënshtron Chelsean në Stamford Bridge (Video)

Sipas London Evening Standard, klubi ka filluar hartimin e një liste të dëshirave për zëvendësimin e trajnerit italian, në rast shkarkimi.

Ky medium thekson se ish-trajneri i Barcelonës, spanjolli Luis Enrique është në krye të listës së dëshirave të drejtuesve.

Përkundër zërave të shtuar, mediumi thekson se nuk duket të jetë një mundësi e mirë deri më tani që Conte do të largohet para përfundimit të sezonit, por gjithçka mund të ndodh.

Conte pranon se Chelsea duhet të shqetësohet në rast mungese kualifikimi për Ligën e Kampionëve.

Lexo po ashtu Conte thotë se Chelsea vuajti shumë në humbjen shokuese

“Ne po bëjmë gjithçka dhe po e shfrytëzoj këtë skuadër në nivelin maksimal. Por nëse dikush nuk pajtohet për këtë, unë duhet ta pranoj situatën”.

“Unë jam shumë i relaksuar për këtë. Unë e di që po bëj një punë të mrekullueshme”, ka thënë Conte. /Telegrafi/