Blinken i kërkon Turqisë të miratojë pranimin e Suedisë në NATO

Sekretari amerikan i Shtetit, Antony Blinken tha se “ka ardhur koha” që Suedia të bashkohet me NATO-n dhe “nuk ka asnjë arsye për të mos ecur përpara” ndërsa i kërkoi Turqisë të ratifikojë ofertën e anëtarësimit të Stokholmit.

Në një konferencë të përbashkët shtypi me kryeministrin suedez në Lulea, në veri të Suedisë, Blinken tha se Suedia ka ndërmarrë hapa të rëndësishëm drejt adresimit të kundërshtimeve të Ankarasë për pranimin e saj në aleancë.

“Turqia ka ngritur shqetësime të rëndësishme dhe legjitime. Suedia dhe Finlanda trajtuan të dyja këto shqetësime”, tha ai, raporton skynews.

“Ne presim që ky proces të përfundojë në javët në vijim. Nuk kemi asnjë dyshim se mund të jetë, dhe duhet të jetë dhe presim që të jetë”, shtoi diplomati amerikan.

Suedia dhe Finlanda aplikuan për t’u bashkuar me NATO-n në maj të vitit 2022, duke lënë mënjanë vite të tëra mosangazhimi ushtarak për të kërkuar mbrojtje nën ombrellën e sigurisë së organizatës pas pushtimit rus të Ukrainës.

Ndryshe, pranimi i Finlandës përfundoi në prill, një bllokim mbi ratifikimin e Suedisë vazhdon për shkak të kundërshtimeve nga Turqia dhe Hungaria. /Telegrafi/