Videoklipi i këngës “Mama” pritet që të arrijë tre milionë shikime në YouTube, vetëm dy ditë pas publikimit në faqen e shpërndarjes së videove.
E veçanta e këtij projekti të Jonas Blue në bashkëpunim me William Singe, është se xhirimet janë bërë në bregdetin e bukur shqiptar dhe në këtë mënyrë i bëhet një reklamë e mirë Shqipërisë.
(YouTube/Vevo)
Pjesë e kësaj videoje muzikore është edhe biznesmeni shqiptar, Fatmir Hysenbelliu, i cili është njeriu i momentit në faqet rozë.
Pos skenave ku shfaqet 25-vjeçari, aty nuk mungon edhe supervetura e tij.
(YouTube/Vevo)
Së fundmi, ai është bërë temë e thashethemeve për një lidhje eventuale me aktoren e famshme, Pamela Anderson.
(YouTube/Vevo/Instagram)
Njëherësh, në videon muzikore të kësaj kënge është e pranishme edhe modelja Oriola Marashi. /Telegrafi/
